Онцлох мэдээ:            7 дугаар сарын 8-ны өдрийн байдлаар Хөвсгөлийн уулсаас эхтэй Бэлтэс, Хэнтий нурууны баруун хажуугаас усжих Ерөө, зүүн хажуугийн Хэрлэн, Увс нуурын савын Намир зэрэг голын усны түвшин өмнөх өдрийнхөөс 10-15 см нэмэгдсэн байна. Хариг гол Сагил сум орчимд болон Хэрлэн голын эхээр  үерийн түвшинг 5 см орчим давсан байдалтай байна. Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялаж зугаалж яваа хүмүүсийг үерийн аюулаас сэрэмжтэй байхыг онцгойлон  анхааруулж байна. Долдугаар сарын 8,9-ий өдрүүдэд ихэнх нутгаар, 10-нд нутгийн зүүн хэсгээр усархаг бороо орох тул  тухайн хугацаанд орсон хур борооны эрчимшил хэмжээнээс шалтгаалан гол мөрний усны түвшин богино хугацаанд нэмэгдэж, үерлэх, жижиг голууд болон хуурай сайраар уруйн үер буух  нөхцөл бүрдэнэ. Иймд үер усны аюулаас  онцгойлон анхааруулж доорх сэрэмжлүүлгийг хүргэж байна. Үүнд: Гэр, хашаа, саравч, орон байраа гуу жалга, голын ойролцоо барьж суурьшихгүй байх. Бага насны хүүхдийг гол усны ойролцоо тоглуулахгүй байх, хүүхдэд тавих хараа, хяналтаа сайжруулах. Үерийн ус зайлуулах суваг шуудуу татах, далан хашлага барих зэргээр өөрийн болон бусдын амь нас , эрүүл мэнд, эд хөрөнгийг болзошгүй гамшиг ослоос урьдчилан сэргийлэх. Голын усны түвшин нэмэгдэж, үерийн байдалд шилжсэн үед гармаар зорчихгүй зориулалтын гарцтай газраар зорчих. Хот суурийн газрын үерийн далангийн ус зайлуулах хоолойгоор ус чөлөөтэй урсах нөхцлийг бүрдүүлэхийг орон нутгийн холбогдох байгууллага анхааралдаа авч урьдчилан арга хэмжээ авахыг зөвлөж байна. Ус, цаг уур, орчны судалгаа мэдээлэлийн хүрээлэнгийн Гадаргын усны судалгааны хэлтэс 2020-07-08

Өчигдөр өдөр ихэнх нутгаар онцгой дулаан өдрүүдийн нэг байлаа

 Өнгөрсөн хоногт Баян-Өлгийн өмнөд, Увсын зүүн, Завханы хойд, Хөвсгөлийн зарим газраар 0.0-6.0 мм бороо орлоо. Хоногийн нийлбэр тунадасны хэмжээгээр хамгийн их нь Хөвсгөлийн Цагааннуурт 6.0 мм, Шинэ-Идэрт 4.0 мм, Завханы Тосонцэнгэлд 5.0 мм, Их-Уулд 4.0 мм бороо орсон байна.

Өчигдөр өдөр нутгийн баруун хэсгээр сэрүүсч Алтай, Хангай, Хөвсгөлийн уулархаг нутаг, Хүрэн бэлчир, Завхан голын эх, Идэр, Тэсийн голын хөндийгөөр  +15...+20 градус, Алтайн өвөр говь, говь талын нутаг, Дорнод, Дарьгангын тал нутгаар +27...+32 градус, бусад нутгаар +20...+27 градус  дулаан буюу ихэнх нутгаар тухайн өдрийн үнэмлэхүй их температураас 1-4 градусаар дулаан байв.
Шөнөдөө Алтай, Хангай,  Хөвсгөл, Хэнтэйн уулархаг нутаг, Хүрэн бэлчир орчим, Завхан голын эх, Идэр, Тэс голын хөндийгөөр 4 градус хүйтнээс 2 градус дулаан,  Алтайн өвөр говь, говийн бүс нутаг, Дорнод, Дарьгангын тал нутгаар +10...+19 градус,  бусад нутгаар +3...+9 градус дулаан хонов.
Өнгөрсөн хоногт бороо ороогүй . Салхи зүүн өмнөөс 2-7 м/с. Өдөртөө +24...+26 градус, шөнөдөө Яармаг-Сонгины орчмоор -2...+3 градус, бусад нутгаар +7...+9 градус дулаан хонов.
<< Буцах

Онцлох мэдээ

Улаанбаатар - 2020/07/08

11 цаг

25 77
O
CF
Униар

0 м/с

ӨНӨӨДӨР - 2020/07/08

27 80
O
CF
Дуу цахилгаантай аадар бороо

9 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store