Онцлох мэдээ: 2018 оны 8 дугаар сарын 17-ны өдрийн байдлаар Хэнтий нуруунаас эхтэй Эг, Барх, Онон, Балж, Тэрэлж, Хөвсгөл нуураас эхтэй Эг, Хангай нурууны өврийн Завхан гол Дөрвөлжин сум орчимд усны түвшин өмнөх өдрийнхөөс 15-30 см нэмэгдэж, Онон гол Дадал сум орчимд үерийн түвшинг  даван үерлэж байна. Мөн түүнчэн Үүр, Сөгнөгөр, Орхон, Онги, Хэрлэн, Хархираа, Ховд, Чигж зэрэг голууд үерийн түвшинг 10-45 см, Байдраг гол Баянбүрд, Хэрлэн гол Чойбалсан, Орхон гол Орхон баг орчимд үерийн аюултай түвшинг 5-25 см давсан хэвээр байна.   Иймд дээр дурьдсан голууд болон гол мөрний дагуу суурьшиж, нутаглаж буй малчид, тариаланчид, аж ахуйн нэгж байгууллага, ард иргэд, аялал зугаалгаар яваа хүмүүс үерийн аюулаас байнга сонор сэрэмжтэй байхыг онцгойлон анхааруулж байна. Гадаргын усны судалгааны хэлтэс

Цаг агаарт зориудаар нөлөөлж хур тунадас нэмэгдүүлэх ажиллагаа амжилттай үргэлжилж байна

2018 оны 5 дугаар сарын 8-ны байдлаар Монгол орны нутгаар түймэргүй байгаа хэдийч Увс, Завхан, Хөвсгөл, Архангай, Төв , Булган, Сэлэнгэ аймгийн зарим сумдаар Түймрийн III зэрэглэл буюу түймрийн аюултай зэрэгт байна. 2018.05.07-08 өдрүүдэд Цаг уур, орчны шинжилгээний газрын харьяа аймгууд дахь цаг агаарт зориудаар нөлөөлөх экспедицүүд амжилттай ажилласан мэдээллүүд ирж байна.

Говь-Алтай аймгийн УЦУОШТ-ийн “Алтай бороо-1”, “Алтай бороо-2” экспедицүүд Баян-Уул, Хөхморьт, Дарви сумдын нутгаар, Тонхил, Жаргалан, Баян-Уул, Төгрөг, Бугат сумдын газрын генераторууд цаг агаарт зориудаар нөлөөлж хур тунадас нэмэгдүүлэх ажиллагааг явуулсны үр дүнд аймгийн Хөхморьт, Баян-Уул, Жаргалан, Тайшир, Есөнбулаг, Дарви, Тонхил, Шарга, Төгрөг, Халиун, Цээл сумдын нутгаар 0,1мм-4,0мм хур тунадас, уул нуруугаараа цас орж байна.

Баян-Өлгий аймгийн УЦУОШТ-ийн “Өлгий -Бороо-1” экспедиц 2018 оны 5-р сарын 06-наас 07-нд шилжих шөнө үүлэнд зориудаар нөлөөлж тунадас нэмэгдүүлэх үйл ажиллагааг амжилттай явууллаа. Үүний үр дүнд Алтай, Толбо, Дэлүүн, Булган сумдад хур тунадас орлоо.

Булган аймгийн УЦУОШТ-ийн " Булган бороо-1" экспедиц 2018 оны 5 дугаар сарын 8-ны 04-05 цагийн үед Баян-Агт сумын нутаг Хөшигт гэдэг газар нөлөөлж тунадас нэмэгдүүлэх үйл ажиллагаа явууллаа.

Хөвсгөл аймгийн УЦУОШТ-ийн "Мөрөн бороо-1" экспедиц 2018 оны 5 дугаар сарын 8-ны 02 цагийн үед Цагаан бургасны давааны аманд (Бүрэнтогтох сумын нутаг) нөлөөлж тунадас нэмэгдүүлэх үйл ажиллагаа явууллаа

Ховд аймгийн УЦУОШТ-ийн "Ховд-Бороо 1" экспедиц 2018 оны 05 дугаар сарын 7-ны өглөө 06 цаг 50 минутанд Чандмань сумын Жаргалант багийн Сүвээгийн эх гэдэг цаг агаарт зориудаар нөлөөлж тунадас нэмэгдүүлэх үйл ажиллагааг амжилттай явуулж тухайн сумын бүх нутгаар бороо буюу нойтон цас орсон.  "Ховд бороо 2" экспедиц Жаргалант, Ховд сумдын нутгаар цаг агаарт зориудаар нөлөөлөх үйл ажиллагааг тус тус  явуулсан байна.

     

<< Буцах

Онцлох мэдээ

Улаанбаатар - 2018/08/17

14 цаг

19 66
O
CF
Үзэгдэлгүй
2 м/с

ӨНӨӨДӨР - 2018/08/17

23 73
O
CF
Үүлшинэ

6 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store