Онцлох мэдээ:           7 дугаар сарын 3-ны өдрийн байдлаар Хэнтий нурууны зүүн хажуугийн Эг, Хангай нурууны арын Чулуут,  Алтай нуруунаас эхтэй Ховд, Буянт, Чигэртэй, Төгрөг, Увс нуурын савын Хариг, Намир зэрэг голуудын усны түвшин өмнөх өдрийнхөөс 10-20 см нэмэгдэж, Буянт, Хариг, Хэрлэн голын эх болон дунд хэсгээр үерийн түвшинг 5-20 см даван үерлэж байна. Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялаж зугаалж яваа хүмүүсийг үерийн аюулаас сэрэмжтэй байхыг онцгойлон  анхааруулж байна. Цаашид орох хур борооны эрчимшил хэмжээнээс шалтгаалан гол мөрөн богино хугацаанд үерлэх, жижиг голууд болон хуурай сайраар уруйн үер буух  нөхцөл бүрдэнэ. Иймд үер усны аюулаас  онцгойлон анхааруулж доорх сэрэмжлүүлгийг хүргэж байна. Үүнд: Гэр, хашаа, саравч, орон байраа гуу жалга, голын ойролцоо барьж суурьшихгүй байх. Бага насны хүүхдийг гол усны ойролцоо тоглуулахгүй байх, хүүхдэд тавих хараа, хяналтаа сайжруулах. Үерийн ус зайлуулах суваг шуудуу татах, далан хашлага барих зэргээр өөрийн болон бусдын амь нас , эрүүл мэнд, эд хөрөнгийг болзошгүй гамшиг ослоос урьдчилан сэргийлэх. Голын усны түвшин нэмэгдэж, үерийн байдалд шилжсэн үед гармаар зорчихгүй зориулалтын гарцтай газраар зорчих. Хот суурийн газрын үерийн далангийн ус зайлуулах хоолойгоор ус чөлөөтэй урсах нөхцлийг бүрдүүлэхийг орон нутгийн холбогдох байгууллага анхааралдаа авч урьдчилан арга хэмжээ авахыг зөвлөж байна. Ус, цаг уур, орчны судалгаа мэдээлэлийн хүрээлэнгийн Гадаргын усны судалгааны хэлтэс 2020-07-03  

Түгээмэл хэрэглэдэг нэр томъёо, хэллэгүүд

Цаг уур-шинжлэх ухааны нэгэн салбар

а/. Цаг уурын шинжлэх ухаан нь агаар мандал, түүний дотор болж буй физик процессыг судалдаг, олон ш/у-ны уулзвар болсон онцлогтой.

б/. Агаар, ус, гэрэл, дулааныг судалдаг. Эндээс цаг уур бол амьдрах орчинг судлаж, хянаж байдаг шинжлэх ухаан, үйлдвэр-үйлчилгээг хосолсон үйл ажиллагааг явуулдаг байна. Амьдралын орчин- амьд байгаль оршин тогтнох үндэс.

Цаг уур- Шинжлэх ухааны үндэслэлтэй мэдээ, мэдээллээр төр, ард иргэд, албан байгууллага, аж ахуйн нэгжид үйлчилдэг төрийн үйлчилгээний байгууллага мөн. Цаг уурын мэдээ-дээрх шинжлэх ухаанд хэрэглэдэг ажиглалт, судалгааны архив мэдээ, дүгнэлт, мэдээллүүд ба дээрх байгууллагын үйл ажиллагаанд ашигладаг тоон, бичвэр, зурган мэдээ, архив, сангийн мэдээ, тайлан... зэрэг болно.

Цаг агаар- агаар мандлын тухайн агшны, тодорхой орон зай дахь төлөв байдал. Энэ нь цаг уурын элементүүдын утга, үзэгдлийн илрэл, эрч хүчээр тогтоогдоно.

Цаг агаарын мэдээ-агаар мандал, амьдрах орчны төлөв байдлын тухай мэдээ.

а/. Ирээдүйн төлөвийн тухай урьдчилсан мэдээ

б/. Одоогийн ба өнгөрсөн төлөвийн тухай бодит мэдээ.

Уур амьсгал- цаг уурын элемент, үзэгдэл, цаг агаарын төлөв байдлын олон жилийн дундаж горим,

Уур амьсгалын мэдээ-олон жилийн горим, хандлагын мэдээ

Орчин-Хүрээлэн буй орон зай, амьдралд нөлөөлдөг хүчин зүйлс. Үндсэн 3 орчин бий гэж үздэг. Агаар, ус, хөрс.

Хүчин зүйл- амьдрал, үйл ажиллагаа, явцад нөлөөлөл үзүүлж буй

а/. амьдралыг тэтгэх, зогсоох нөлөөлөл бүхий орчны шинж чанар.

б/. Цаг уурын элемент, үзэгдэл

Онцлох мэдээ

Улаанбаатар - 2020/07/03

17 цаг

19 66
O
CF
Аянгатай аадар бороо

0 м/с

ӨНӨӨДӨР - 2020/07/03

24 75
O
CF
Дуу цахилгаантай бага зэргийн аадар бороо

8 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store