Онцлох мэдээ: 2019 оны 4 дүгээр сарын 12-ны өдрийн байдлаар гол мөрний мөсний зузаан өмнөх арав хоногоос 5-35 см нимгэрч , мөсний үзэгдэл идэвхижиж, мөсний нягт багасан мөс хэврэгшиж байгаа тул цаг хожих, зам товчлох зэргээр мөсөн дээгүүр явах, авто тээвэр хийхгүй байхыг  онцгойлон анхааруулж байна. Мөн түүнчлэн Монгол орны нийт газар нутгийн 38 хувь нь цастай байгаа ба агаарын температур нэмэгдэхийн хэрээр  гол мөрний сав газар дахь цас, мөс болон өндөр уул, ой модтой, нар бага тусдаг газруудад үлдсэн  цас хайлж шар усны үер буух нөхцөл бүрдэх тул шар усны үерээс урьдчилан сэргийлэхийг анхааруулж байна.  

Өнгөрсөн 7 хоногт Увс нуур болон Дархадын хотгор, Завхан голын эх, Идэр, Тэс, Орхон голын хөндийгөөр -40...-48 градус хүрч хүйтэрлээ

Тунадас: 4-нд баруун аймгуудын нутгийн зарим газраар, 5,8,9-нд баруун аймгуудын ихэнх нутаг, төв болон говийн аймгуудын нутгийн зарим газраар, 7-нд ихэнх нутгаар цас орсон байна. Үүнээс хамгийн их нь Ховдын Үенчид 4.2 мм, Завханы Тэлмэнд 4,0 мм, Өвөрхангайн Хархоринд 3,9 мм, Ховдын Мянгадад 3,8мм цас орсон байна.     

Цасны зузаан:  Өнөө өглөөний 08 цагийн цаг уурын өртөө, харуулын талбайн хэмжилтээр Баян-Өлгий, Увс, Ховд, Завхан,, Баянхонгор, Хөвсгөл, Архангай, Өвөрхангай, Булган, Төв аймаг, Өмнөговь, Дундговийн нутгаар, Говь-Алтайн баруун, Хэнтийн зүүн, Сэлэнгийн баруун, Дорнод, Сүхбаатарын зүүн хэсгээр 1-24 см зузаан цасан бүрхүүл тогтсоноос хамгийн зузаан нь Увсын Зүүнговьд 24см, Хяргас, Малчинд 20см, Улаангом, Баруунтуруунд 19 см, Завханы Баянтэс 16см, Цагаан хайрхан 15 см, Улиастайд 14 см, Хөвсгөлийн Хатгал, Улаан-уулд 15 см зузаан цастай байна.

Агаарын хамгийн их температур: Өнгөрсөн 7 хоногт ихэнх нутгаар жиндүү хүйтэн байж  Увс нуур болон Дархадын хотгор ,Идэр, Тэс голын хөндийгөөр -25...-32 градус, Хангай, Хөвсгөл, Хэнтэйн уулархаг нутаг, Орхон-Сэлэнгэ, Хараа, Ерөө, Туул, Тэрэлж голын хөндийгөөр -19....-24 градус, говийн бүс нутгийн өмнөд хэсгээр 6...-11 градус,  бусад нутгаар -15...-20  градус  хүйтэн  байв. 

Агаарын хамгийн бага температур:  Өнгөрсөн 7 хоногт нийт нутгаар жиндүү хүйтэн байж Увс нуур болон Дархадын хотгор, Завхан голын эх, Идэр, Тэс, Орхон голын хөндийгөөр -40...-48 градус, Их нууруудын хотгор, Хүрэн бэлчир орчим,  Хангай, Хөвсгөл, Хэнтэйн уулархаг нутаг, Хараа, Ерөө, Туул, Тэрэлж,  гоын хөндийгөөр -34...-39 градус, Эхийн голын Баянбүрд орчмоор -15....-20 градус, говийн бүс нутгийн өмнөд хэсгээр -19...-24 градус, бусад нутгаар -28...-33 градус хүйтэн байв. 

Cалхи:  Ихэнх хугацаанд секундэд 8-13 метр, говь, тал хээрийн нутгаар секундэд 15-17 метр хүрч ширүүссэн байна.  ​

Улаанбаатар хот орчмоор: Нийт хугацаанд цас ороогүй. Салхи ихэнх хугацаанд секундэд 7-12 метр. Жиндүү хүйтэн байж шөнөдөө Яармаг-Сонгины орчмоор 33-38, бусад хэсгээр 27-32, өдөртөө -18...-23 градус хүйтэн байсан байна.

<< Буцах

Онцлох мэдээ

Улаанбаатар - 2019/04/18

23 цаг

9 48
O
CF
Үзэгдэлгүй
5 м/с

ӨНӨӨДӨР - 2019/04/18

15 59
O
CF
Багавтар үүлтэй

10 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store