Онцлох мэдээ:         7 дугаар сарын 11-ны өдрийн байдлаар манай орны ихэнх гол мөрөн, нуурын усны түвшин олон жилийн дунджийг 10-50 см  зарим голууд үерийн түвшинг 5-45 см даван хүчтэй үерлэж байна. Тухайлбал: Сэлэнгэ мөрөн Тосонцэнгэл сум орчимд болон Хангай нурууны  арын Идэр, Чулуут, Урдтамир, Хэнтий нурууны баруун хажуугаас усжих Ерөө, Туул, Тэрэлж, Улиастай, Сөгнөгөр, зүүн хажуугийн Хэрлэн гол Мөнгөнморьт сум орчимд усны түвшин өмнөх өдрийнхөөс 20-45 см нэмэгдэж, Тэрэлж, Сөгнөгөр, Улиастай, Хэрлэн, Түргэн болон Ховд гол Мянгад сум орчимд үерийн түвшинг 5-45 см даван хүчтэй үерлэж байна. 7 дугаар сарын 12-нд Туул гол Улаанбаатар хот орчимд усны түвшин 40 см нэмэгдэж , үерийн түвшинг 30 см, Ерөө гол Дулаанхаан сум орчимд 20 см Сэлэнгэ мөрөн Хутаг сум орчимд 20 см , Хэрлэн гол Багануур дүүрэг орчимд 5 см тус тус нэмэгдэнэ. Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялаж зугаалж яваа хүмүүсийг үерийн аюулаас сэрэмжтэй байхыг онцгойлон  анхааруулж байна. Наадмын өдрүүдэд ихэнх нутгаар түр зуурын усархаг бороо орох тул тухайн хугацаанд орсон хур борооны эрчимшил хэмжээнээс шалтгаалан гол мөрний усны түвшин богино хугацаанд нэмэгдэж, үерлэх, жижиг голууд болон хуурай сайраар уруйн үер буух  нөхцөл бүрдэнэ. Ус, цаг уур, орчны судалгаа мэдээлэлийн хүрээлэнгийн Гадаргын усны судалгааны хэлтэс                                                                        2020-07-11

Өнгөрсөн 7 хоногт ихэнх нутгаар халж, зарим газар +29...+36 градус хүрлээ

2020 оны 04 дүгээр сарын 27-ны 08 цагаас 05 дугаар сарын 04-ний 08 цаг хүртэлх цаг агаарын тойм

Өнгөрсөн 7 хоногийн тухайд ихэнх нутгаар нэлээд халж, нутгийн төв хэсгээр 4 дүгээр сарын 27-ны халалт нь тухайн өдрийнхөө агаарын температурын үнэмлэхүйн максимум утгуудыг эвдсэн онцлогтой 7 хоног байлаа.

Тунадас: Өнгөрсөн 7 хоногт ихэнх нутгаар 0.0-16.4 мм тунадас орсон байна. Үүнээс хамгийн их нь Хэнтийн Дадалд 16,4 мм, Дорнодын Баян-Уулд 12,0мм, Халх голд 10,0мм, Хэнтэйн Биндэр, Гурванбаян, Жаргалтхаан, Батширээт, Норовлин, Сэлэнгийн Бугант, Булганы Хангал, Дарханы Шаазгайтад 8.0-9.4 мм тунадас орлоо.

Агаарын хамгийн их температур 7 хоногийн эхний хугацаанд ихэнх нутгаар халж Алтай, Хангай, Хөвсгөлийн уулархаг нутгаар, +16...+22 градус, Их нууруудын хотгор, Орхон-Сэлэнгийн сав газар, Хараа, Ерөө, Туул голын хөндий, говийн бүс нутгийн өмнөд хэсгээр +29...+36 градус, бусад нутгаар +23...+28 градус, 5-р сарын 1-нээс баруун аймгуудын нутгаар, 2-нд ихэнх нутгаар 1-17 градусаар сэрүүсч Дархадын хотгор, Хэнтэйн уулархаг нутаг, Туул, Тэрэлж, Онон, Хэрлэн, Улз голын хөндийгөөр +7....+14 градус, говийн бүс нутгийн өмнөд хэсгээр +24...+31 градус, бусад нутгаар +15..+23 градус дулаан байв. 

Агаарын хамгийн бага температур: Хугацааны эхэнд Хангай, Хөвсгөл, Хэнтэйн уулархаг нутаг, Хүрэнбэлчир орчимоор -2...+8 градус, Их нууруудын хотгор, говийн бүс нутгаар +14...+21 градус, бусад нутгаар +8...+15 градус, 2-ноос хүйтэрч Алтай, Хангай, Хөвсгөл, Хэнтэйн уулархаг нутаг, Туул, Тэрэлж голын хөндийгөөр -10...+1 градус, говийн бүс нутгийн өмнөд хэсгээр +13...+18 градус, бусад нутгаар +3...+11  хүйтэн хоносон байна. 

Cалхи: ихэнх хугацаанд нийт нутгаар секундэд 7-12 метр, зарим газраар секундэд 14-26 метр хүрч хүчтэй шороон шуурга шуурсан байна.

Улаанбаатар хот орчмоор: 1-нээс 2-нд шилжих шөнө 0.0-0.4 мм бороо орсон байна. Салхи ихэнх хугацаанд секундэд 7-12 метр, зарим үедээ секундэд 12-21 метр хүрч шороон шуурга шуурав.  Шөнөдөө 1, 2-нд Яармаг-Сонгины орчмоор +8... +10 градус, бусад хэсгээр +9...+14 градус, бусад хугацаанд Яармаг-Сонгины орчмоор -2... +2 градус, бусад хэсгээр +2...+9 градус, өдөртөө 1-нд  +9...+11 градус, 4-р сарын 30-нд +27...+29 градус хүрч халлаа. бусад хугацаанд +20...+26 градус  байлаа.

<< Буцах

Онцлох мэдээ

Улаанбаатар - 2020/07/11

17 цаг

21 69
O
CF
Үзэгдэлгүй
2 м/с

ӨНӨӨДӨР - 2020/07/11

22 71
O
CF
Бага зэргийн бороо

7 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store