Онцлох мэдээ: Үерийн аюулаас сэрэмжлүүлэх мэдээ           7 дугаар сарын 7-ны өдрийн байдлаар Хөвсгөлийн уулсаас эхтэй Үүр, Шишхэд,  Хэнтий нурууны баруун хажуугаас усжих Туул, Сэлбэ, Хангай нурууны өврийн Онги зэрэг голуудын усны түвшин өмнөх өдрийнхөөс 5-20 см нэмэгдсэн байна. Ус судлалын Хариг-Сагил, Хэрлэн-Мөнгөнморьт харуул орчимд  үерийн түвшинг 5 см давсан байдалтай байна. Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялаж зугаалж яваа хүмүүсийг үерийн аюулаас сэрэмжтэй байхыг онцгойлон  анхааруулж байна. Цаашид орох хур борооны эрчимшил хэмжээнээс шалтгаалан гол мөрөн богино хугацаанд үерлэх, жижиг голууд болон хуурай сайраар уруйн үер буух  нөхцөл бүрдэнэ. Иймд үер усны аюулаас  онцгойлон анхааруулж доорх сэрэмжлүүлгийг хүргэж байна. Үүнд: Гэр, хашаа, саравч, орон байраа гуу жалга, голын ойролцоо барьж суурьшихгүй байх. Бага насны хүүхдийг гол усны ойролцоо тоглуулахгүй байх, хүүхдэд тавих хараа, хяналтаа сайжруулах. Үерийн ус зайлуулах суваг шуудуу татах, далан хашлага барих зэргээр өөрийн болон бусдын амь нас , эрүүл мэнд, эд хөрөнгийг болзошгүй гамшиг ослоос урьдчилан сэргийлэх. Голын усны түвшин нэмэгдэж, үерийн байдалд шилжсэн үед гармаар зорчихгүй зориулалтын гарцтай газраар зорчих. Хот суурийн газрын үерийн далангийн ус зайлуулах хоолойгоор ус чөлөөтэй урсах нөхцлийг бүрдүүлэхийг орон нутгийн холбогдох байгууллага анхааралдаа авч урьдчилан арга хэмжээ авахыг зөвлөж байна. Ус, цаг уур, орчны судалгаа мэдээлэлийн хүрээлэнгийн Гадаргын усны судалгааны хэлтэс 2020-07-07  

Өнгөрсөн 7 хоног зүүн аймгуудын нутгийн зарим газраар ахиухан хэмжээний тунадас орж, говийн бүс нутгийн өмнөд хэсгээр 38 градус хүрч халсан байна.

2020 оны 06 дугаар сарын 22-ны 08 цагаас 06 дугаар сарын 29-ний 08 цаг хүртэлх

7 хоногийн цаг агаарын тойм

Өнгөрсөн 7 хоногт: Зүүн аймгуудын нутгийн зарим газраар ахиухан хэмжээний тунадас орж, говийн бүс нутгийн өмнөд хэсгээр 38 градус хүрч халсан байна.

22-23-нд төв, зүүн болон говийн аймгуудын зарим газраар, 24-нд зүүн аймгуудын ихэнх нутаг, төв болон говийн аймгуудын нутгийн зарим газраар, 25-26-нд баруун аймгуудын ихэнх нутаг, төвийн аймгуудын нутгийн хойд хэсгээр, бусад хугацаанд нутгийн зарим газраар 0.1-74.3 мм дуу цахилгаантай усархаг аадар бороо орсон байна. 22-нд Булганы Хутагд 27.0 мм, Хөвсгөлийн Мөрөн, Шинэ-Идэр, Архангайн Тариаланд 25.0-26.0 мм, Дорнодын Халхголд 23.0 мм, 23-нд Хэнтий аймгийн Өндөрхаанд 44.0 мм, Төв аймгийн Зуунмодод 35.0 мм, Хэнтийн Хэрлэнбаян-Улаанд 33.0 мм, Улаанбаатар, Буянт-Ухаад 28.0 мм, 27-нд Өвөрхангайн Баян-Өндөрт 21.0 мм түр зуурын дуу цахилгаантай усархаг аадар бороо орсон байна.

Салхи ихэнх хугацаанд секундэд 6-11 метр, Алтайн салбар уулс болон төв, говийн аймгуудын нутгийн зарим газраар секундэд түр зуур 15-17 метр, зарим үед секундэд 28 метр хүрч ширүүсч, шороон шуурга шуурсан байна.

Тунадас: 22-23нд төв болон зүүн аймгуудын ихэнх нутаг, баруун болон говийн аймгуудын зарим газраар, 24-нд зүүн аймгуудын ихэнх нутаг, төвийн аймгийн нутгийн хойд хэсэг, баруун болон говийн аймгуудын зарим газраар, 25-нд баруун аймгуудын ихэнх нутаг, төвийн аймгуудын хойд хэсэг, зүүн аймгуудын нутгийн зарим газраар, 26-29нд нутгийн зарим газраар бороо орж, 7 хоногийн нийлбэр тунадасны хэмжээгээр 0.3-74.3 мм хэмжээтэй орсон байна. Хэнтий аймгийн Гурванбаянд 74.3 мм, Дадалд 69.6 мм, Хэнтийн Өндөрхаан, Хөвсгөлийн Их-Уулд 69.4 мм, Сүхбаатарын Эрдэнэцагаан, Хэнтийн Өмнөдэлгэрт 64.8-64.9 мм, Хөвсгөлийн Алаг-Эрдэнэ, Булганы Бүрэгхангайд 53.3-55.6 мм, Хэнтийн Норовлинд 50.1 мм усархаг аадар бороо орсон байна.

 

Агаарын хамгийн их температур: Хангай, Хөвсгөл, Хэнтийн уулархаг нутаг, Хүрэнбэлчир орчим, Идэр, Тэс, Тэрэлж голын хөндийгөөр +19...+24 градус, Орхон-Сэлэнгийн сав газар болон говийн бүс нутгийн өмнөд хэсгээр +33...+38 градус, бусад нутгаар +25...+30 градус хүрч халсан байна.

 

Агаарын хамгийн бага температур: Хугацааны эхээр сэрүүсч Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Идэр, Тэс, Туул, Тэрэлж голын хөндийгөөр -1....-6 градус, Хэнтийн уулархаг нутаг болон Орхон-Сэлэнгийн сав газраар +0...+5 градус, говийн бүс нутгийн өмнөд хэсгээр  +11...+16 градус, бусад нутгаар +5...+10 градус байв.

 

Cалхи: Ихэнх хугацаанд секундэд 6-11 метр, Алтайн салбар уулс болон төв, зүүн аймгуудын нутгийн зарим газраар секундэд 15-17 метр,  зарим үед секундэд 28 метр хүртэл ширүүсч шороон шуурга шуурсан байна.

 

Улаанбаатар хот орчмоор: 22-нд 0.7-5.0 мм, 23-нд 0.3-4.0 мм, 24-нд 6.0-28.0 мм, 25,27-нд 0.0 мм, 26-нд 0.0-1.7 мм, 28-нд 0.0-1.7 мм, 29-нд 0.6-5.0 мм дуу цахилгаантай аадар бороо орсон. Салхи ихэнх хугацаанд секундэд 6-11 метр, зарим үед секундэд 13-15 метр, борооны өмнө түр зуур секундэд 20-22 метр хүрч ширүүссэн байв. 22-24-нд шөнөдөө +10...+12 градус, өдөртөө +18...+20 градус, 25-наас халж шөнөдөө +16...+18 градус, өдөртөө +26...+28 градус байлаа.

ЦАГ УУР, ОРЧНЫ ШИНЖИЛГЭЭНИЙ ГАЗАР

<< Буцах

Онцлох мэдээ

Улаанбаатар - 2020/07/07

14 цаг

28 82
O
CF
Үзэгдэлгүй
4 м/с

ӨНӨӨДӨР - 2020/07/07

30 86
O
CF
Дуу цахилгаантай бага зэргийн аадар бороо

8 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store