Онцлох мэдээ: 2020 оны 3 дугаар сарын 21 -ний өдрийн байдлаар Монгол орны нийт газар нутгийн 15.8 % нь цастай ба дундаж зузаан нь 14 см, цасан дахь усны нөөц 3.71 шоо.км  байна. Жишээлбэл: Увс нуур болон Тэс, Идэр, Шишхэд голын сав газруудын 60-80% нь цастай, цасан дахь усны нөөц нь дунджаар  0.64 шоо.км  байгаа бол Хяргас нуур, Завхан,  Дэлгэрмөрөн, Чулуут  голуудын  савын 30%  цастай,  цасан дахь усны нөөц 0.55 шоо.км байна. Цаашид урин дулаан цаг ирж буйтай уялдаад гол мөрний мөсний үзэгдэл улам идэвхижиж, цөнгийн хахаа, мөсөн дээгүүр ус урсах, хайлсан цас, мөс зэргээс шалтгаалан ус эргээсээ хальж орчин тойрны газар усанд автан, голын эрэг, татмаар нутаглаж буй ард иргэдэд аюул учруулж болзошгүй байна. Иймд том жижиг гол, сайр жалгын эрэг хөвөөнөөс зайдуу суурьшиж нуудлэх, гуу жалга, далан , шуудууг цэвэрлэж ус урсахад чөлөөтэй болгох, амьтны сэг зэмээр цасны ус дамжин голруу орж ус бохирдуулах өвчин эмгэг тараах аюултай тул холбогдох байгуулагаас зохих арга хэмжээг цаг алдалгүй авч цэвэрлэгээ устгал хийхийг зөвлөж байна.  Мөн гол мөрөн, нууранд мөсний үзэгдэл эрчимшиж, мөсний зузаарлын эрчим буурч мөс өргөгдөн хэврэгшиж байгаа тул мөс цөмрөх аюулаас урьдчилан сэргийлэхийг онцгойлон анхааруулж байна. Гадаргын усны судалгааны хэлтэс 2020-03-21

Өнгөрсөн хоногт Говь-Алтайн Бугатад салхи түр зуур 21 м/с хүрч ширүүссэн байна

Цасны зузаан: Өнөө өглөөний 08 цагийн өртөө, харуулуудын талбай дээрх ажиглалтын мэдээгээр Увс, Завхан, Хөвсгөл, Төв, Хэнтийн нутаг, Баян-Өлгий, Говь-Алтай, Баянхонгор, Булган, Сүхбаатар, Дундговийн хойд, Архангайн баруун, Сэлэнгийн зүүн хэсэг, Дорнодын зарим газраар 1.0-34.0 см зузаан цасан бүрхүүл тогтсоноос хамгийн их нь Завханы Баянтэс, Тосонцэнгэлд 29.0-34.0 см, Увсын Малчин, Улаангом, Баруунтуруун, Тэс, Завханы Улиастай, Хөвсгөлийн Жаргаланд 15-20 см, Завханы Цэцэн-Уул, Нөмрөг, Хөвсгөлийн Чандагат, Цагаан-Үүрд 8-13 см зузаан цастай  байна.   

Тунадас: Өнгөрсөн хоногт Увсын хойд, Завхан, Хөвсгөл, Дорноговь, Дорнод аймгуудын нутгийн зарим газраар 0.0-1.0 мм цас орсон байна. Үүнээс хамгийн их нь Увсын Улаангом, Малчин, Хөвсгөлийн Ренчинлхүмбэд 0.5-1.0 мм цас орсон байна.
Температур их: Өчигдөр өдөр Увс нуур болон Дархадын хотгороор -4...-10 градус, Завхан голын эх, Хангайн, Хөвсгөл, Хэнтэйн уулархаг нутаг, Халх гол орчим, Идэр, Тэс голын хөндийгөөр +4...-3 градус, Их нууруудын хотгор болон говийн бүс нутгийн өмнөд хэсгээр +11...+18 градус, бусад нутгаар +5...+10 градус байв.
Температур бага: Өнгөрсөн шөнө Увс нуур болон Дархадын хотгор, Завхан голын эх, Идэр, Тэс, Туул, Тэрэлж голын хөндийгөөр -15...-20 градус, Хангай, Хөвсгөл, Хэнтэйн уулархаг нутгаар -8...-13 градус, говийн бүс нутгийн өмнөд хэсгээр +6...-1 градус, бусад нутгаар -2...-7 градус хонов.
Салхи: Өнгөрсөн хоногт ихэнх нутгаар 6-11 м/с, говь, тал, хээрийн нутгаар 14-16 м/с, Говь-Алтайн Бугатад түр зуур 21 м/с хүрч ширүүссэн байна.
Улаанбаатар хот орчмоорӨнгөрсөн хоногт хур тунадас ороогүй. Салхи өмнөөс 5-10 м/с. Өдөртөө 0 градус орчим, шөнөдөө Яармаг-Сонгины орчмоор -9...-11 градус, бусад хэсгээр -7...-9 градус байв.
<< Буцах
Улаанбаатар - 2020/03/31

20 цаг

0 32
O
CF
Үзэгдэлгүй

0 м/с

ӨНӨӨДӨР - 2020/03/31

3 37
O
CF
Багавтар үүлтэй

7 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store