Онцлох мэдээ: 6 дугаар сарын 27-ны өдрийн байдлаар Хангай нуруунаас эхтэй Заг, Байдраг, Алтай нуруунаас усжих Ховд, Увс нуурын савын Хархираа зэрэг голууд үерийн түвшинг 5-45 см давсан хэвээр байна. Иймд дээр дурьдсан голуудын сав, эрэг дагуу суурьшиж, нутаглаж буй малчид, тариаланчид, аж ахуйн нэгж байгууллага, ард иргэд, аялал зугаалгаар яваа хүмүүс үерийн аюулаас байнга сонор сэрэмжтэй байхыг онцгойлон анхааруулж байна. Мөн ойрын өдрүүдэд төвийн болон зүүн зүгийн нутгаар түр зуурын болон үргэлжилсэн бороо орох тул гол мөрний усны түвшин богино хугацаанд үерлэн үерийн болон үерийн түвшинд хүрч, цөөхөн хоногоор үерлэх, хуурай сайр, гуу жалгаар уруйн үер буух нөхцөл бүрдэх боломжтой тул хуурай сайр, гуу жалгын ойролцоо болон ам тосох зэргээр бууж суурьшихгүй байхыг зөвлөж байна. Гадаргын усны судалгааны хэлтэс                                                                                                                              2019-06-27   

Өнгөрөгч 7 хоног салхи шуургатай, цаг агаар нэлээд тогтворгүй байлаа

Тунадасны тухайд өнгөрсөн 7 хоногт ихэнх нутгаар ахиухан хэмжээний бороо, цас орлоо. Нийтдээ  0.1 -43.0мм тунадас орсноос хамгийн их нь Хөвсгөлийн Хатгалд 43.0мм, Баянзүрхэд 40.9мм, Шинэ-Идэрд 26,1мм Сүхбаатарын Дарьганга, Онгонд 29.0мм, Архангайн Түвшрүүлэхэд 25.0мм орсон байна.  

Цасны зузаан: Өнөө өглөөний 08 цагийн өртөө харуулын талбай дээрх хэмжилтийн мэдээгээр Хөвсгөлийн аймгийн нутгаар  цасан бүрхүүл тогтсоноос Хатгалд 13 см, Баянзүрхэд 12 см, Арбулагт 7 см зузаан цасан бүрхүүлтэй байна.

Агаарын хамгийн их температурын хувьд өдөртөө ихэнх хугацаанд нутгийн баруун болон зүүн хагаст ихээхэн сэрүүн байлаа. Харин 17-ноос ихэнх нутгаар сэрүүсч Дархадын хотгор, Алтайн, Хангай, Хөвсгөлийн уулархаг нутаг, Хүрэн бэлчир орчим, Идэр, Тэс голын хөндийгөөр +4...+9 градус, Алтайн өвөр говь болон говийн бүс нутгийн зүүн хэсэг, Хэрлэн, Халх голын хөндий, Дарьгангын тал нутгаар +20..+27 градус, Орхон-Сэлэнгийн сав газар, Хэнтэйн уулархаг нутаг, Говийн бүс нутгийн хойд хэсгээр +13...+19 градус, бусад нутгаар +7...+12 градус байлаа. 

Харин шөнөдөө Ихэнх хугацаанд сэрүүсч Дархадын хотгор, Алтай, Хангай, Хөвсгөлийн уулархаг нутгаар -10...-16 градус, Хэнтэйн уулархаг нутгаар, Орхон-Сэлэнгийн сав, Идэр, Тэс, Туул, Тэрэлж голын хөндийгөөр -5..-10 градус, Алтай өвөр говь болон говийн аймгуудын нутгийн өмнөд хэсгээр +2...-3 градус, бусад нутгаар -2...-7 градус байлаа.

Cалхи: Өнгөрөгч 7 хоног салхи шуургатай цаг агаар нэлээд тогтворгүй байсан бөгөөд 13-нд баруун болон төвийн аймгуудын нутгаар, 14-17-нд ихэнх нутгаар, 18-19-нд говь талын нутгаар секундэд  18-20 м/с, зарим үед түр зуур 24-28 м/с хүртэл ширүүсч хүчтэй шороон болон цасан шуурга аюултай үзэгдлийн хэмжээнд хүртэл хүчтэй шуурлаа. Ялангуяа 15-нд Дорноговийн Сайншанд, Сүхбаатарын Эрдэнэцагаанд зарим үед салхи түр зуур 28-30 м/с хүрч онц хүчтэй шороон шуурга болсон.

Улаанбаатар хот орчмоор: 14-с 16-ны хооронд 4 мм бороо, хур тунадас орсон. Салхи ихэнх хугацаанд секундэд 7-12 метр, зарим үед түр зуур секундэд 17-21 метр хүрч шороон шуурга шуурсан байна. Агаарын темп хувьд Шөнөдөө 14,18-нд +2...+7 градус, бусад хугацаанд Яармаг-Сонгины орчмоор -7...-11 градус, бусад хэсгээр 0...-3 градус хонов. Өдөртөө 13, 14-нд +20...+22 градус, бусад хугацаанд  +6...+11 градус байв.

Аюултай үзэгдэл: 14-Архангайн нутаг, Өвөрхангайн хойд, Булганы өмнөд, төв аймгийн нутгаар цасан шуурга шуурч  аюултай үзэгдлийн хэмжээнд хүрлээ. 15-нд Алтайн уулархаг нутаг болон говь, талын нутгаар салхи секундэд 19-24 метр, зарим үед түр зуур секундэд 28-30 метр хүртэл ширүүсч шороон шуурга шуурсан.

18-19-нд говийн аймгуудын нутаг, Сүхбаатарын нутгаар цасан болон шороон шуурга шуурч аюултай үзэгдлийн хэмжээнд хүрлээ.

<< Буцах

Онцлох мэдээ

Урьдчилан сэргийлэх мэдээ

Өнөөдөр Төв аймгийн нутгийн зүүн, Хэнтий аймгийн нутгийн баруун хэсгээр дуу цахилгаантай усархаг бороо орно.
Дэлгэрэнгүй >
Улаанбаатар - 2019/06/27

14 цаг

12 53
O
CF
Аадар бороо
4 м/с

ӨНӨӨДӨР - 2019/06/27

16 60
O
CF
Бороо

13 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store