Онцлох мэдээ:                8 дугаар сарын 04-ны өдрийн байдлаар Сэлэнгэ мөрөн, Орхон голын дунд болон адгаар, Хангай нурууны арын Чулуут, Хэнтий нурууны баруун хажуугийн Хараа, Ерөө зүүн хажуугийн Хэрлэн голуудын усны түвшин өмнөх өдрийнхөөс 10-55 см нэмэгдэж, Хархираа, Чигж мөн  Бэлтэс, Дэлгэрмөрөн, Туул, Ерөө, Сөгнөгөр, Хэрлэн голын нийт уртын дагууд үерийн түвшинг 10-40 см даван үерлэж, Ховд, Онон, Балжголууд үерийн аюултай түвшинг 5-35 см даван хүчтэй үерлэж байна. Маргааш буюу 8 дугаар сарын 05-ны өдөр Хараа, Ерөө голуудын усны түвшин 20 см орчим нэмэгдэнэ. Ойрын өдрүүдэд баруун болон төвийн аймгуудын нутгийн хойд  хэсгээр бороо орох тул дээр дурьдсан голууд болон гол мөрний сав дагуу суурьшиж, нутагшиж буй ард иргэд, аж ахуйн нэгж, аялж зугаалж яваа хүмүүсийг болзошгүй үер усны  аюулаас урьдчилан сэргийлэхийг онцгойлон  анхааруулж байна.   Ус, цаг уур, орчны судалгаа мэдээлэлийн хүрээлэнгийн Гадаргын усны судалгааны хэлтэс 2020-08-04  

Ажиглалтын мэдээ > Цаг агаарын мэдээ
Шинэчлэгдсэн: 2020-08-03 10:20:41

Хэвлэх

7 хоногийн тойм

2020 оны 07 дугаар сарын 27-ны 08 цагаас 08 дугаар сарын 03-ны 08 цаг хүртэлх

7 хоногийн цаг агаарын тойм

Тунадас: 28-нд баруун аймгуудын ихэнх нутаг, төвийн аймгуудын нутгийн хойд хэсэг, говь болон зүүн аймгуудын нутгийн зарим газар, 29-нд төвийн аймгуудын ихэнх нутаг, баруун, говь болон зүүн аймгуудын нутгийн зарим газраар, 30-нд баруун болон зүүн аймгуудын ихэнх нутаг, төв болон говийн аймгуудын зарим газраар, 31-нд ихэнх нутгаар, 01-нд баруун аймгуудын нутгийн зүүн хэсэг, төвийн аймгуудын ихэнх нутаг, говь болон зүүн аймгуудын зарим газраар, 02-нд баруун болон говийн аймгуудын нутгийн зарим газар, төв болон зүүн аймгуудын ихэнх нутгаар, 03-нд баруун аймгуудын нутгийн баруун хэсэг, төвийн аймгуудын нутгийн зүүн хэсэг, зүүн аймгуудын нутгийн хойд хэсгээр бороо, зарим газраар дуу цахилгаантай аадар бороо орж, 7 хоногийн нийлбэр тунадасны хэмжээгээр 0.2-81.0 мм орсон байна. Үүнээс хамгийн их нь Увсын Цагаанхайрхан, Хөвсгөлийн Арбулаг, Булганы Тэшигт 76.0-81.0 мм, Хөвсгөлийн Бүрэнтогтох, Шинэ-Идэр, Хэнтийн Норовлин, Дадал, Сүхбаатарын Асгат, Дорнодын Сэргэлэнд 64.0-73.0 мм, Сэлэнгийн Ерөө, Дарханы Дархан-Уул, Шаазгайт, Хэнтийн Баян-Адарга, Дорнодын Эрээнцавд 56.0-61.0 мм бороо орсон байна

Агаарын хамгийн их температур: Хугацааны эхээр нутгийн баруун хагаст сэрүүн, нутгийн зүүн хагаст халж Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эх, Идэр голын хөндийгөөр +18...+23 градус, Орхон, Сэлэнгэ, Хэрлэн, Онон, Улз голын хөндийгөөр +27...+32 градус, говийн бүс нутгийн өмнөд хэсгээр +33...+38 градус, бусад нутгаар +23...+28 градус дулаан байв. Хугацааны сүүлээр нутгийн хойд хэсгээр сэрүүсэж Хангай, Хөвсгөлийн уулархаг нутаг, Хүрэнбэлчир орчим, Завхан голын эх орчмоор +10...+15 градус, говийн бүс нутгийн өмнөд хэсгээр +30...+35 градус, говийн аймгуудын нутгийн хойд хэсэг болон Орхон, Сэлэнгэ, Туул, Тэрэлж, Хэрлэн голын хөндийгөөр +16...+21 градус, бусад нутгаар +22...+27 градус дулаан байв.

Агаарын хамгийн бага температур: Хугацааны сүүлчээр ихэнх нутгаар сэрүүсч Монгол-Алтай, Хөвсгөлийн уулархаг нутаг, Хүрэнбэлчир орчим, Завхан голын эхээр +0...+5 градус, говийн бүс нутгийн өмнөд хэсгээр +19...+24 градус, Их нууруудын хотгор, Орхон, Сэлэнгэ, Туул, Тэрэлж, Хэрлэн голын хөндийгөөр +6...+11 градус, бусад нутгаар +12...+17 градус хоносон байна.

 

Cалхи: Ихэнх хугацаанд секундэд 5-10 метр, 31,1,2-нд Алтайн салбар уулс болон говийн аймгуудын нутгаар секундэд 18-20 метр, бусад хугацаанд зарим газраар борооны өмнө түр зуур секундэд 14-16 метр хүрч ширүүссэн байна.

Улаанбаатар хот орчмоор: 29, 30-нд 0.0-2.0 мм, 31-2-нд 0.2-6.0 мм бороо орсон. Салхи ихэнх хугацаанд секундэд 6-11 метр, 31-нд секундэд 14-16 метр хүрч ширүүссэн байна. Ихэнх хугацаанд шөнөдөө +12...+14 градус, өдөртөө хугацааны дунд үеэр халаж +28...+30 градус, хугацааны сүүлээр сэрүүсэж +16...+18 градус байлаа.

ЦАГ УУР, ОРЧНЫ ШИНЖИЛГЭЭНИЙ ГАЗАР

Онцлох мэдээ

Улаанбаатар - 2020/08/04

14 цаг

22 71
O
CF
Үзэгдэлгүй
3 м/с

ӨНӨӨДӨР - 2020/08/04

23 73
O
CF
Үүлшинэ

8 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store