Онцлох мэдээ: Арванхоёрдугаар сарын нэгний өдрийн байдлаар манай орны ихэнх гол мөрөн битүү мөсөн бүрхүүлтэй болсон хэдий ч мөсний зузаан 2019 оны мөн үе болон олон жилийн дунджаас 10-50 см нимгэн, мөсний зузаан голын нийт уртын дагууд харилцан адилгүй байгаа ба  мөсний даац хүн, мал, машин тэрэг явахад аюулгүй хэмжээнд хүрч бэхжээгүй тул мөсөн дээгүүр явах болон авто тээвэр хийхгүй байхыг онцгойлон анхааруулж байна. Гадаргын усны судалгааны хэлтэс                                                                                                                            2020-12-01

Ажиглалтын мэдээ > Цаг агаарын мэдээ
Шинэчлэгдсэн: 2020-11-30 09:23:53

Хэвлэх

7 хоногийн тойм

2020 оны 11 дүгээр сарын 23-ны 08 цагаас 11 дүгээр сарын 30-ны 08 цаг хүртэлх 7 хоногийн цаг агаарын тойм

Тунадас: Өнгөрсөн 7 хоногт ихэнх нутгаар 0.0-11.4 цас орсноос 23-нд Завхан, Дорнод, Сүхбаатарын зарим газар, Хөвсгөл, Булган, Сэлэнгэ, Төв, Хэнтийн ихэнх нутгаар, 24,25-нд ихэнх нутгаар, 26-нд Хөвсгөл, Булган, Сүхбаатар, Дорноговийн зарим газраар, 27-нд Увс, Завхан, Говь-Алтай, Хөвсгөл, Сүхбаатарын зарим газраар, 28,29-нд Баян-Өлгий, Увс, Завхан, Төв аймгийн зарим газраар цас орлоо. Үүнээс нийлбэр тунадасны хэмжээгээр хамгийн их нь Увсын Давстад 11.4 мм, Булганы Тэшиг, Сэлэнгийн Цагааннуур, Дундговийн Говь-Угтаалд 7.0 мм цас орсон байна. 

Цасны зузаан: Өнөө өглөөний 08 цагийн цаг уурын өртөө, харуулын талбайн хэмжилтээр Баян-Өлгийн баруун, Увс, Баянхонгорын хойд, Завхан, Говь-Алтайн зүүн хэсэг, Хөвсгөл, Булган, Сэлэнгэ, Архангай, Өвөрхангай, Төв, Дундговь, Хэнтий, Дорноговь, Сүхбаатарын ихэнх нутаг, Дорнодын өмнөд хэсэг, Ховд, Өмнөговийн зарим газраар 1-15 см зузаан цастай байна. Үүнээс хамгийн их нь Баянхонгорын Галуут, Байдраг, Булганы Тэшиг, Хөвсгөлийн Цагаан-Үүрд 14-15 см, Өвөрхангайн Баян-Өндөр, Булганы Могод, Төв аймгийн Зуунмод, Сүхбаатарын Эрдэнэцагаан 12 см, Архангайн Өлзийт, Булганы Гурванбулаг, Дашинчилэн, Нийслэлийн Хан-Уул, Төв аймгийн Эрдэнэ, Сүхбаатарын Асгатад 11 см, бусад нутгаар 1-10 см зузаан цасан бүрхүүлтэй байна.

 

Агаарын хамгийн их температур:  Хугацааны сүүлчээр ихэнх нутгаар хүйтэрч Дархадын хотгор, Завхан голын эх, Идэр голын хөндий, Хүрэнбэлчир орчмоор -14...-19 градус, Алтай, Хангай, Хөвсгөлийн уулархаг нутаг, Туул, Тэрэлж голын хөндийгөөр -8...-13 градус, Хангайн нурууны өвөр бэл болон говийн бүс нутийн өмнөд хэсгээр -1....+2 градус, бусад нутгаар -2...-7 градус байв.

Агаарын хамгийн бага температур: Хугацааны сүүлчээр ихэнх нутгаар 10-17 градусаар хүйтэрч Дархадын хотгор, Завхан голын эх, Идэр голын хөндий, Хүрэнбэлчир орчмоор -33...-38 градус, Алтай, Хангай, Хөвсгөл, Хэнтэйн уулархаг нутаг, Эг-Үүр, Туул, Тэрэлж, Хэрлэн голын хөндий, Дарьгангын тал нутгаар -25...-32 градус, Хангайн нурууны өвөр бэл болон говийн бүс нутгаар -14....-19 градус, бусад нутгаар -20...-25 градус байв. Хамгийн хүйтэн нь 27-ны шөнө Завханы Отгонд -37 градус хүрч хүйтэрсэн байна.

Cалхи: Ихэнх хугацаанд секундэд 7-10 метр, говь болон зүүн аймгуудын зарим газраар секундэд 12-14 метр хүрч ширүүссэн байна.

Улаанбаатар хот орчмоор: Өнгөрсөн долоо хоногийн 23,24,25,28,30-нд 0.0-4.0 мм цас орлоо. Салхи ихэнх хугацаанд секундэд 6-11 метр байсан байна. Хугацааны сүүлчээр хүйтэрч шөнөдөө Яармаг-Сонгины орчмоор -32...-34 градус, бусад хэсгээр -23...-25 градус, өдөртөө -14...-16  градус  байв.

 

ЦАГ УУР, ОРЧНЫ ШИНЖИЛГЭЭНИЙ ГАЗАР

Урьдчилан Мэдээлэх Хэлтэс  

 

 

 

 

 

Онцлох мэдээ

Улаанбаатар - 2020/12/03

20 цаг

-22 -7
O
CF
Утаа
2 м/с

ӨНӨӨДӨР - 2020/12/03

-18 0
O
CF
Багавтар үүлтэй

5 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store