Онцлох мэдээ: Арваннэгдүгээр сарын хоёрдугаар арав хоногийн байдлаар манай орны ихэнх гол мөрөн битүү мөсөн бүрхүүлтэй болсон хэдий ч мөсний зузаан 2019 оны мөн үе болон олон жилийн дунджаас 5-35 см нимгэн, мөсний зузаан голын нийт уртын дагууд харилцан адилгүй байгаа ба  мөсний даац хүн, мал, машин тэрэг явахад аюулгүй хэмжээнд хүрч бэхжээгүй тул мөсөн дээгүүр явах болон авто тээвэр хийхгүй байхыг онцгойлон анхааруулж байна. Гадаргын усны судалгааны хэлтэс                                                                                                                           2020-11-21  

Ажиглалтын мэдээ > Цаг агаарын мэдээ
Шинэчлэгдсэн: 2020-11-22 08:42:54

Хэвлэх

1 хоногийн тойм

2020 оны 11 дүгээр сарын 21-ний 08 цагаас 2020 оны 11 дүгээр сарын 22-ны 08 цаг хүртэлх цаг агаарын тойм

Тунадас:  Өнгөрсөн хоногт Өмнөговийн Даланзадгад 0.0 мм цас орсон байна. Бусад нутгаар цас ороогүй байна.

Цасны зузаан: Өнөө өглөөний 08 цагийн цаг уурын өртөө, харуулын талбайн хэмжилтээр Завхан, Архангай, Өвөрхангай, Төв, Сэлэнгэ, Хэнтий, Сүхбаатар, Дорноговийн ихэнх нутаг, Баян-Өлгийн баруун, Увс, Ховд, Говь-Алтайн зүүн, Баянхонгор, Хөвсгөл, Булган, Дундговь, Өмнөговь, Дорнодын зарим газраар 1-14.0 см зузаан цасан бүрхүүлтэй байна. Үүнээс хамгийн их нь Баянхонгорын Байдраг, Галуутад 14 см, Сүхбаатарын Эрдэнэцагаанд 13 см, Говь-Алтайн Эрдэнэ, Сүхбаатарын Асгатад 10 см, бусад хэсгээр 1-9 см зузаан цасан бүрхүүлтэй байна.

Температур их:  Өчигдөр өдөр ихэнх нутгаар 1-8 градусаар хүйтэрч  Дархадын хотгор, Завхан голын эх, Идэр голын хөндий, Хүрэнбэлчир орчмоор -18...-26 градус, Алтай, Хангай, Хөвсгөлийн уулархаг нутаг, Туул, Тэрэлж голын хөндийгөөр -14...-18 градус, Хангайн нурууны өвөр бэл болон говийн бүс нутийн өмнөд хэсгээр -5....-10 градус, бусад нутгаар -10...-14 градус байв.

Температур бага: Өнгөрсөн шөнө ихэнх нутгаар 1-13 градусаар хүйтэрч, Дархадын хотгор, Завхан голын эх, Идэр голын хөндий, Хүрэнбэлчир орчмоор -28...-37 градус, Алтай, Хангай, Хөвсгөлийн уулархаг нутаг, Туул, Тэрэлж, Хэрлэн голын хөндийгөөр -25...-28 градус, Хангайн нурууны өвөр бэл болон говийн бүс нутгаар -14....-18 градус, бусад нутгаар -18...-25 градус байв.

Салхи: Өнгөрсөн хоногт ихэнх нутгаар секундэд 4-9 метр, зарим үед секундэд 12-14 метр хүрч ширүүссэн байна.

Улаанбаатар хот орчмоор: Өнгөрсөн хоногт цас ороогүй. Салхи баруун хойноос 3-8 м/с. Өчигдөр өдөр -14...-16 градус, өнгөрсөн шөнө Яармаг-Сонгины орчмоор -27...-29 градус, бусад хэсгээр -19...-21 градус хонов.

 

Онцлох мэдээ

Улаанбаатар - 2020/11/23

23 цаг

-14 6
O
CF
Утаа

0 м/с

ӨНӨӨДӨР - 2020/11/23

-8 17
O
CF
Багавтар үүлтэй

6 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store