Онцлох мэдээ: Мөс цөмрөх аюулаас сэрэмжлүүлэх мэдээ                 Дөрөвдүгээр сарын нэгний өдрийн байдлаар манай орны ихэнх гол, мөрөн, нуурын мөсний зузаан өнгөрсөн хугацааныхаас 5-50 см нимгэрч  мөс харлах, мөс байрандаа хайлах, усан зах үүсэх, харз гүйх зэрэг үзэгдэл ажиглагдаж  байна. Цаашид цаг агаарын дулааралтай уялдан гол мөрний мөс хайлж, мөсний нягт багасан хэврэгших тул цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг онцгойлон анхааруулж байна. Гадаргын усны судалгааны хэлтэс 2020-04-01

Ажиглалтын мэдээ > Голын усны тойм мэдээ
Шинэчлэгдсэн: 2020-04-02 16:01:46

Хэвлэх

Гол мөрний мөсний үзэгдэл, зузааны тойм 2020-04-01

2020 оны гуравдугаар сарын гуравдугаар арав хоног

  1. Хойт мөсөн далайн ай савын гол, мөрөн

Хөвсгөлийн уулсаас эх авсан Бэлтэс, Бүгсий, Үүр, Шишхэд зэрэг голууд  20-130 см зузаан мөсөн бүрхүүлтэй байгаа ба эдгээр голуудад мөсөн зах үүсч, харз гүйх үзэгдэл идэвхижиж эхэлсэн ба мөсний зузаан өмнөх арав хоногоос 5-10 см нимгэрсэн байна. Харин Дэлгэрмөрөн, Эг гол мөсөн захтай болсон байна. Дээрх голуудын мөсний зузааныг 2019 оны мөн үетэй харьцуулахад 10-75 см нимгэн мөсөн бүрхүүлтэй байна.

Хангай нурууны араас усжих  Идэр, Хануй, Чулуут, Суман, Хойттамир, голын мөсний зузаан өмнөх арав хоногийнхоос 5-25 см багассан бол Идэр голын эх болон Урдтамир голын мөсний зузаан харьцангуй өөрчлөлт багатай байлаа. Эдгээр голуудын мөсний зузаан 30-105 см байгаа ба энэ нь 2019 оны мөн үеийнхээс 25-40 см бага байна. Хангайн арын голуудад мөс байрандаа хайлах , мөс харлах, мөсөн дээгүүр ус урсах зэрэг үзэгдэл голлон ажиглагдаж байна.

Хэнтий нурууны баруун хажуугийн Хүдэр, Хараа, Ерөө, Тэрэлж, Туул, Сэлбэ, Улиастай, Сөгнөгөр, Шивэрт зэрэг голууд 20-90 см зузаан мөсөн бүрхүүлтэй мөсний зузаан өнгөрсөн хугацааныхаас 5-35 см нимгэрч мөс харлах, мөсөн дээгүүр ус урсах, харз, халиа тошин гүйх зэрэг үзэгдэл голлон ажиглагдаж байна.  Хэнтий нурууны баруун хажуугийн голуудын мөсний зузаан өмнөх оны мөн үеийнхээс  20-90 см бага  харин Хүдэр, Хараа, Ерөө, Шивэрт голын адгаар 10-35 см ахиу байна.

Сэлэнгэ мөрөн Орхон голын нийт уртын дагууд мөсний зузаан өнгөрсөн арав хоногийнхоос 5-45 см нимгэрч 35-145 см зузаан мөсөн бүрхүүлтэй болсон ба  2019 оны мөн үеийнхээс голын эх болон дунд хэсгээр 5-40 см ахиу адгаар 10-25 см нимгэн мөсөн бүрхүүлтэй байна. Сэлэнгэ мөрний дагууд усан зах үүсч харз, тошин гүйх үзэгдэлтэй байгаа бол Орхон голд мөс харлах, мөс байрандаа хайлах, мөсөн дээгүүр ус урсах зэрэг үзэгдэл зонхилж байна.

   2.Номхон далайн ай савын гол, мөрөн

   Хэнтий нурууны ар, зүүн хажуугаас эхтэй Хурх, Барх, Эг, Балж, Онон, Хэрлэн,   болон Их Хянганы нуруунаас эхтэй Халх голын дагууд 35-165 см зузаан мөсөн бүрхүүлтэй байгаа ба энэ нь 3 дугаар сарын 21-ны өдрийнхөөс 5-40 см нимгэрч мөс харлах, мөсөн дээгүүр ус урсах, тошин гүйх зэрэг үзэгдэлтэй байна.  Номхон далайн ай савын дээрх голуудын мөсний зузаан 2019 оны мөн үе болон олон жилийн дунджаас 5-40 см зузаан байна.  

3. Төв Азийн гадагш урсацгүй ай сав           

            Алтай нуруу болон түүний салбар уулсаас усжих Ховд , Буянт, Булган, Сагсай, Турган, Харбут, Чонохарайх, Дундцэнхэр, Долооннуур зэрэг голууд 40-130 см зузаан мөсөн бүрхүүлтэй, мөсний зузаан өмнөх арав хоногоос 5-15 см нимгэрсэн байна. Эдгээр голуудын мөсний зузааныг олон жилийн дундаж болон өнгөрсөн оны мөн үетэй харьцуулбал 10-25 см нимгэн мөстэй байна.  

Хангай нурууны өврөөс эхтэй Богд, Чигэстэй, Буянт, Хүнгүй, Яруу, Хожуул, Завхан, Зүйл, Шарга,  Түй, Заг, Байдраг, Шаргалжуут, Цагаантуруут, Шар ус, Онги, Зэгстэй, Таац  зэрэг голууд 30-205 см зузаан мөсөн бүрхүүлтэй мөсний зузаан өмнөх арав хоногийнхоос 5-35 см нимгэрсэн байна. Дээрх голуудын мөсний зузаан өмнөх  оны мөн үе болон олон жилийн дунджаас 5-50 см нимгэн мөсөн бүрхүүлтэй байна.   

Увс нуурын савын Чигж, Хархираа, Түргэн зэрэг голуудын мөсний зузаан өмнөх арав хоногоос 5 см орчим нимгэрч, 45-90 см зузаан мөсөн бүрхүүлтэй болсон ба энэ нь 2019 оны мөн үе болон олон жилийн дундажтай харьцуулбал 5-10 см нимгэн мөсөн бүрхүүлтэй байна.

Гуравдугаар сарын гуравдугаар арав хоногийн байдлаар манай орны ихэнх гол, мөрөн, нуурын мөсний зузаан өмнөх арав хоногийнхоос 5-50 см нимгэрч  мөсний үзэгдэл эрчимжиж эхэлсэн байна. Цаашид цаг агаарын дулааралтай уялдан гол мөрний сав дахь цас, мөс хайлж, хаврын шар усны үер цөнгийн хахаатай давхцан ус эргээсээ халих голын эрэг татам орчим усанд автах зэрэг үзэгдэл ажиглагдаж болзошгүй байна.   Иймд ард иргэд хаврын шар усны үер болон мөс цөмрөх аюулаас сэрэмжтэй байхыг онцгойлон анхааруулж байна.

Гадаргын усны судалгааны хэлтэс

  2020-04-01

Улаанбаатар - 2020/04/07

17 цаг

10 50
O
CF
Үзэгдэлгүй
2 м/с

ӨНӨӨДӨР - 2020/04/07

9 48
O
CF
Үүлшинэ

10 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store