Онцлох мэдээ:         7 дугаар сарын 11-ны өдрийн байдлаар манай орны ихэнх гол мөрөн, нуурын усны түвшин олон жилийн дунджийг 10-50 см  зарим голууд үерийн түвшинг 5-45 см даван хүчтэй үерлэж байна. Тухайлбал: Сэлэнгэ мөрөн Тосонцэнгэл сум орчимд болон Хангай нурууны  арын Идэр, Чулуут, Урдтамир, Хэнтий нурууны баруун хажуугаас усжих Ерөө, Туул, Тэрэлж, Улиастай, Сөгнөгөр, зүүн хажуугийн Хэрлэн гол Мөнгөнморьт сум орчимд усны түвшин өмнөх өдрийнхөөс 20-45 см нэмэгдэж, Тэрэлж, Сөгнөгөр, Улиастай, Хэрлэн, Түргэн болон Ховд гол Мянгад сум орчимд үерийн түвшинг 5-45 см даван хүчтэй үерлэж байна. 7 дугаар сарын 12-нд Туул гол Улаанбаатар хот орчимд усны түвшин 40 см нэмэгдэж , үерийн түвшинг 30 см, Ерөө гол Дулаанхаан сум орчимд 20 см Сэлэнгэ мөрөн Хутаг сум орчимд 20 см , Хэрлэн гол Багануур дүүрэг орчимд 5 см тус тус нэмэгдэнэ. Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялаж зугаалж яваа хүмүүсийг үерийн аюулаас сэрэмжтэй байхыг онцгойлон  анхааруулж байна. Наадмын өдрүүдэд ихэнх нутгаар түр зуурын усархаг бороо орох тул тухайн хугацаанд орсон хур борооны эрчимшил хэмжээнээс шалтгаалан гол мөрний усны түвшин богино хугацаанд нэмэгдэж, үерлэх, жижиг голууд болон хуурай сайраар уруйн үер буух  нөхцөл бүрдэнэ. Ус, цаг уур, орчны судалгаа мэдээлэлийн хүрээлэнгийн Гадаргын усны судалгааны хэлтэс                                                                        2020-07-11

Ажиглалтын мэдээ > ХАА-н цаг уурын тойм мэдээ
Шинэчлэгдсэн: 2017-01-05 04:29:47

Хэвлэх

2016 оны 6 сарын 8-9-ны өдрүүдэд газар тариалангийн бүст ажилласан ажиллагааны мэдээлэл

2016 оны 06 сарын 08-ны өдрийн байдлаар Төв аймагт төвлөсөн өндрийн циклонтой байгаа тул төвийн бүсийн хуурайшилтай байгаа ялангуяа газар тариалангийн бүс нутгаар  орох хур тунадсыг нэмэгдүүлэхээр үйл ажиллагааг явууллаа. Үйл ажиллагааг зохион байгуулах, орон нутгийн экспедицүүдэд дэмжлэг үзүүлэхээр Цаг уур, орчны шинжилгээний газраас нэг экспедицийг Төв аймгийн нутагт ажиллуулав. Цаг агаарын шуурхай мэдээллээр хангах зорилгоор ээлжийн зохицуулагчийг 24 цагаар ажиллуулж мэдээгээр хангав.

Экспедицүүдийн үйл ажиллагаа:  Сэлэнгэ аймгийн 4 экспедицийн  2 нь Цагааннуур, Баруун хараа талдаа, нөгөө 2 нь Ерөө, Хушаат сумдын чиглэлд/12ш пуужин/, Орхон аймгийн 1 экспедиц Булган аймгийн Бугат суманд гарч 3 пуужин зарцуулав. Хөвсгөл аймгийн зуншлага сайн байгаа тул экспедицийг болиулав.

Төв аймгийн 2 экспедицийн 1 нь Угтаал сумын чиглэлд, нэгийг Өндөрширээт-Лүнгийн чиглэлд, газраас гарсан төвийн 1 экспедицийг Аргалант сумын чиглэлд  гаргаж Лүн, Өндөрширээт, Аргалант, Сүмбэр, Жаргалант, Угтаал, Цээл, Эрдэнэсант сумдын нутгийн хамруулан ажиллагааг зохион байгуулж 12 ширхэг пуужин зарцуулав. Төв аймгийн газрын генераторыг 3 удаа үйл ажиллагаа явуулж 12ш түлш зарцуулсан байна.

Хэнтийн экспедиц 3 экспедицийг Жаргалтхаан, Гурванбаян, Биндэр, Өмнөдэлгэр, Цэнхэрмандал сумдын нутгийг хамран ажиллуулж 10 ширхэг пуужин зарцуулсан байна.  Сүхбаатар аймгийн 2 экспедиц хуурайшилтай байгаа  Мөнххаан , Түмэнцогт сумдын нутагт ажиллаж 5 пуужин зарцуулав. Пуужин харвалтын үеийн аюулгүй ажиллагааны дүрэм, журмыг чанд мөрдөн ажиллахыг онцгойлон анхааруулав. Энэхүү хур тунадас нэмэгдүүлэх ажиллагаагаар нийт 45 ширхэг пуужин зарцуулав.

2016 оны 6 сарын 8-ны өдрийн 20 цагаас 9-ний өдрийн өглөөний 8 цагийн байдлаар ажиллагааны үр дүнд орсон хур тунадасны мэдээллийг доор аймаг салбаруудаар гаргав.

 Сэлэнгэ: Баруун хараа 18, Орхон 8, Ерөө 6, Цагааннуур 2.4, Орхонтуул 7, Зүүнхараа 17.5, Хушаат 4.3, Баруунбүрэн 6,  Зэлтэр 5, Бугант 9, Дархан 10.3, Шаазгайт 16, Хонгор 8, Орхон 3, Төв: Баянчандмань 13, Угтаал 8, Эрдэнэсант 3, Жаргалант 15, Алтанбулаг 4, Мөнгөнморьт 14, Зуунмод 2, Лүн 3, Залуучууд 15, Батсүмбэр 18, Борнуур 13, Заамар 6, Өндөрширээт 0.7, Нөхөрлөл 11, Улаанбаатар 5.5, Буянт-Ухаа 7.3,  Амгалан 4.5, Багануур 9, Тэрэлж 9, Партизан 9, Өлзийт 6,  Орхон: Эрдэнэт 9, Улаантолгой 4 мм хур тунадас орж үйл ажиллагаа амжилттай болов. Сэлэнгэ аймгийн өмнөд, Дархан болон Төв аймгийн хуурайшилтай байсан газар тариалангийн бүс нутагт үргэлжилсэн бороо 24 цаг орж хөрсний чийгийг тэтгэлээ. Хэнтий болон Сүхбаатар аймгийн хуурайшилтай байсан нутгуудаар их хэмжээний хур тунадас оров. Тухайлбал Сүхбаатар аймгийн Түмэнцогт 8, Мөнххаан 12, Сүхбаатар 12, Түвшинширээ 3, Уулбаян 4 мм, Хэнтий аймгийн Өмнөдэлгэр 31, Биндэр 18, Баян-Овоо 8, Өндөрхаан 2, Оргил 1, Батширээт 20, Өлзийт 4, Баян-Адарга12, Батноров16, Жаргалтхаан 7, Цэнхэрмандал 15, Гурванбаян 24мм тус тус орлоо.

ЦАГ УУРЫН ХЭЛТЭС

Онцлох мэдээ

Улаанбаатар - 2020/07/11

20 цаг

21 69
O
CF
Үзэгдэлгүй

0 м/с

ӨНӨӨДӨР - 2020/07/11

22 71
O
CF
Бага зэргийн бороо

7 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store