Арав хоногийн цаг агаарын нөхцлийн тойм

Агаарын температурын арав хоногийн дундаж Алтай, Хангай, Хөвсгөлийн өндөрлөг уулс, Хан Хөхий нуруу, Хархираа, Түргэний уулс, Увс нуур, Идэр, Тэсийн голын хөндийгөөр 23-36 градус, Алтай, Хангайн уулархаг нутаг, Дархадын хотгор, Дарьгангын тэгш өндөрлөг болон Тамсагийн хоолойгоор 18-22,9 градус, говийн нутаг болон Өгий нуурын сав газраар  6-11,9 градус, Алтайн Өвөр болон Заг Сүүжийн говиор 1-5,9 градус, бусад нутагт 12-17,9 градус хүйтэн (1 дүгээр зураг) буюу нутгийн баруун болон зүүн хагаст олон жилийн дунджаас 1,1-3,6 градусаар хүйтэн, төв болон нутгийн баруун хойд хэсгээр дунджийн орчим, нутгийн баруун болон Алтайн Өвөр говь орчмоор 1,7-3,6 градусаар дулаан байлаа.

​

Агаарын температур өдөртөө ихэнх нутагт 1-10 градус, Алтайн Өвөр говиор 11-13 градус дулаан, Хангай, Хэнтэйн уулархаг нутагт, Их Нууруудын хотгор, Булнайн нуруу, Дорнодын тал газраар 0-10 градус, томоохон гол нуурын хөндийгөөр 11-15 градус хүйтэн, шөнөдөө, Алтайн Өвөр говиор 10-19 градус, Алтай, Хангай, Хөвсгөлийн уулархаг нутаг, Хэнтэйн нуруу болон Дорнодын талаар 30-39 градус, Хангайн өндөрлөг уулсаар 40-52 градус, бусад нутагт 20-29 градус хүйтэн байв.

Хөрсний гадарга дээр ихэнх нутагт 0-15 градус, говийн нутгаар 16-30 градус дулаан, томоохон гол нуурын хөндий болон Дорнодын тал нутгаар 1-11 хүйтэн, шөнөдөө Номингийн говиор 10-19 градус, Алтай, Хангай уулархаг нутаг болон Дорнын талаар 20-29 градус, Хангайн өндөрлөг уулс, Хан Хөхийн нуруугаар 40-56 градус, бусад нутагт 30-39 градус хүйтэн байв.

Энэ арав хоногт хур тунадас ихэнх нутагт 0-3 мм, Увсын Зүүнхангай, Завханы Тэс, Яруу, Архангайн Өгийнуур, Өлзийт, Хашаат, Цахир, Хужирт, Хархорин, Булганы Бугат, Дашинчилэн, Баяннуур, Дундговийн Эрдэнэдалай, Хулд, Өмнөговийн Манлай, Ханбогд, Цогтцэцийд 3,1-6 мм, Завханы Баян-Уул, Өвөрхангайн Баян-Өндөр, Бүрд, Зүйл, Өлзийт, Булганы Могод, Сайханд 6,1-12 мм, Баян-Өлгий, Ховд, Говь-Алтай, Баянхонгор, Хэнтий, Дорнодын ихэнх, Увс, Завхан, Сүхбаатар, Хөвсгөл, Өвөрхангай, Төв, Говьсүмбэр, Дундговь, Дорноговь, Өмнөговийн зарим сумдын нутгаар ороогүй (2 дугаар зураг) буюу олон жилийн дундажтай харьцуулбал ихэнх нутагт дунджаас бага, Увс, Баян-Өлгий, Ховд, Хөвсгөл, Булган, Архангай, Өвөрхангай, Өмнөговь, Дорноговь, Төвийн ганц нэг сумдын нутгаар дунджийн орчим ба түүнээс ахиу орсон байна.

Cалхи Ховд, Завхан, Хөвсгөл, Говь-Алтай, Баянхонгор, Булган, Архангай, Өвөрхангай, Дорнод, Өмнөговь аймгийн зарим сумдын нутгаар аюултай үзэгдлийн хэмжээнд буюу 16-25 м/с хүрч салхилсан байна.

2 дугаар сарын 29-ны байдлаар нийт нутгийн 70 гаруй хувьд цастай байгаагаас Ховд, Баянхонгор, Архангай, Өвөрхангай, Өмнөговь, Дорноговийн ихэнх, Ховд, Баян-Өлгий, Увс, Говь-Алтай, Завхан, Булган, Төв, Хэнтий, Дорнод, Дундговь, Говьсүмбэрийн зарим сумдын нутгаар 0-4 см буюу тарлан цастай, Говь-Алтай, Сэлэнгэ, Төв, Хэнтий, Дорнодын ихэнх, Увс, Баян-Өлгий, Ховд, Хөвсгөл, Булган, Баянхонгор, Архангай, Өвөрхангай, Орхон, Дархан-Уул, Дундговийн зарим сумдын нутгаар 5-10 см зузаан буюу нягт нь 0,03-0,34 гр/см³,Булганы ихэнх, Увс, Баян-Өлгий, Ховд, Хөвсгөл, Говь-Алтай, Завхан, Архангай, Өвөрхангай,  Баянхонгор, Орхон, Сэлэнгэ, Дархан-Уул, Дундговь, Дорнод, Хэнтий, Сүхбаатарын зарим сумдын нутгаар 10-19 см зузаан буюу нягт нь 0,09-0,35 гр/см³, Увсын Наранбулаг, Зүүнговь, Улаангом, Хяргас, Өмнөговь, Түргэн, Баруунтуруун, Баян-Өлгийн Сагсай, Завханы Улиастай, Тосонцэнгэл, Их-Уул, Цагаанхайрхан, Баянтэс, Нөмрөг, Шилүүстэй, Идэр, Яруу, Тэлмэн, Алдархаан, Отгон, Тэс, Түдэвтэй, Сонгино, Цэцэн-Уул, Баянхайрхан,  Хөвсгөлийн Цагаан-Үүр, Эрдэнэбулган, Цэцэрлэг, Арбулаг, Архангайн Жаргалант, Цахир, Өвөрхангайн Зүйл, Хужирт, Бүрд, Өлзийт, Баянхонгорын Галуут, Жаргалант, Булганы Хишиг-Өндөр, Дундговийн Өлзийт, Сэлэнгийн Ерөө, Сүхбаатарын Баяндэлгэр, Дарьганга, Сүхбаатар, Түвшинширээ, Асгат, Уулбаян, Наран, Төвийн Угтаал, Дорнодын Халхголын сумдын нутгаар 20-60 см зузаан, 0,1-0,42 гр/см³  нягттай байна. Харин Ховд, Баян-Өлгий, Баянхонгор, Говь-Алтай, Дорноговь, Өмнөговь, Өвөрхангай, Хэнтийн зарим болон Дорнодын ганц нэг сумдын нутгаар цасгүй (3 дугаар зураг) байна.

Цаг агаарын нөхцлийн онцлог 

• Одоогийн байдлаар Баян-Өлгийн Сагсай, Ховдын Үенч, Увсын Наранбулаг, Түргэн, Улаангом, Зүүнговь, Баруунтуруун, Тэс, Өндөрхангай, Завханы Отгон, Баянхайрхан, Баянтэс, Цэцэн-Уул, Идэр, Цагаанхайрхан, Тэлмэн, Тосонцэнгэл, Их-Уул, Түдэвтэй, Тэс, Алдархаан, Нөмрөг, Сонгино, Яруу, Говь-Алтайн Алтай, Халиун, Баянхонгорын Жаргалант, Хөвсгөлийн Арбулаг, Цагаан-Үүр, Цэцэрлэг, Булганы Хангал, Хишиг-Өндөр, Дашинчилэн, Архангайн Жаргалант, Цахир, Өвөрхангайн Бүрд, Хужирт, Өлзийт, Зүйл, Сэлэнгийн Ерөө, Төвийн Зуунмод, Угтаал, Хэнтийн Галшар, Дэлгэрхаан, Дорнодын Халхгол, Матад, Цагаан-Овоо, Сүхбаатарын Халзан, Уулбаян, Дарьганга, Онгон, Асгат, Сүхбаатар, Баяндэлгэр, Мөнххаан, Түвшинширээ, Наран, Дорноговийн Дэлгэрэх, Дундговийн Хулд, Өлзийтөд нягтарч хатуурсан, зузаан цастайн улмаас нийт 17 аймгийн 58 сумдын нутгаар зудын байдалтай  байна.
• Мөн Увсын Хяргас, Малчин, Өмнөговь, Давст, Сагил, Ховдын Алтай, Цэцэг, Манхан, Чандмань, Завханы Улиастай, Цагаанчулуут, Шилүүстэй, Сантмаргац, Ургамал, Хөвсгөлийн Эрдэнэбулган, Улаан-Уул, Баянзүрх, Архангайн Тариат, Хангай, Өндөр-Улаан, Баянхонгорын Галуут, Өвөрхангайн Бат-Өлзий, Нарийнтээл, Булганы Булган, Тэшиг, Рашаант, Дашинчилэн, Гурванбулаг, Баяннуур, Говь-Алтайн Тонхил, Тайшир, Хөхморьт, Цогт, Цээл, Шарга, Төвийн Цээл, Жаргалант, Баян-Өнжүүл, Баянчандмань, Эрдэнэсант, Хэнтийн Дархан, Дорнодын Булган, Сэргэлэн, Цагаан-Овоо, Сүхбаатарын Баруун-Урт, Эрдэнэцагаан, Дорноговийн Айраг, Дундговийн Луус, Адаацаг, Дэрэн, Эрдэнэдалай, Цагаандэлгэр, Мандалговь, Өндөршил, Баянжаргалан сумдын нутгаар нягтарч хатуурсан, зузаан цастайн улмаас нийт 14 аймгийн 56 сумдын нутагт зудархуу байна. 
• Өнгөрсөн 2 дугаар сард Увс, Завхан, Архангай, Булган, Сүхбаатар, Төв аймгийн ихэнх, Баян-Өлгий, Ховд, Говь-Алтай, Баянхонгор, Хөвсгөл, Өвөрхангай, Сэлэнгэ, Дархан-Уул, Говьсүмбэр, Дундговь, Дорноговь, Дорнод, Хэнтий аймгийн зарим сумдад цаг агаарын таагүй нөхцлийн улмаас нийт 200 гаруй мянган мал хорогдсон байна.

2 ДУГААР САРЫН ЦАГ АГААРЫН НӨХЦЛИЙН ТОЙМ

Агаарын температурын сарын дундаж Алтай, Хангай, Хөвсгөлийн өндөрлөг уулс болон томоохон голуудын хөндийгөөр 25-42 градус, Алтай, Хангай, Хэнтэй, Хөвсгөлийн уулархаг нутаг, Их нууруудын хотгор хэсгээр 20-24,9 градус, говийн нутгийн өмнөд хэсгээр 5-9,9 градус, бусад нутагт 10-19,9 градус хүйтэн (4 дүгээр зураг) буюу ихэнх нутагт олон жилийн дунджаас 1.1-6,2 градусаар дулаан (5 дугаар зураг) байлаа.

2 дүгээр сард ихэнх нутагт 0-3 мм, Увс, Завхан, Хөвсгөл, Булган, Дундговь, Өмнөговийн зарим, Ховд, Архангай, Өвөрхангай, Дорноговь, Орхон, Сэлэнгэ, Төвийн ганц нэг сумдын нутгаар 3,1-6мм, Хөвсгөлийн Их-Уул, Эрдэнэбулган, Цагаан-Үүр, Завханы Сонгино, Тэс, Баян-Уул, Архангайн Хашаат, Өвөрхангайн Баян-Өндөр, Зүйл, Бүрд, Өлзийт, Булганы Тэшиг, Хишиг-Өндөр, Могод, Сайханд 6,1-15,4 мм орсон. Харин Ховдын Мянгад, Эрдэнэбүрэн, Дөргөн, Увсын Хар-Ус, Ховд, Баян-Өлгийн Баяннуур, Ногооннуур, Сагсай, Толбо, Улаанхус, Говь-Алтайн Бугат, Ажбогд, Тоорой, Бигэр, Дэлгэр, Цээл, Эрдэнэ, Гуулин, Баянхонгорын Баянбулаг, Байдраг, Галуут, Баянцагаан, Шинэжинст, Хориулт, Эхийнгол, Байнсайр, Гурьанбулаг, Баян-Өндөр, Бууцагаан, Бодь, Заг, Хүрээмарал, Дундговийн Баянжаргал, Дорноговийн Дэлгэрэх, Айраг, Иххэт, Говьсүмбэрийн Чойр, Төвийн Баянжаргалан, Улаанбаатарын Багануур, Өмнөговийн Баяндалай, Хэнтийн Биндэр, Хэрлэнбаян-Улаан, Батширээт, Баян-Адарга, Баянмөнх сумдын нутгаар ороогүй (2 дугаар зураг) буюу олон жилийн дундажтай харьцуулбал нутгийн 60 орчим хувьд дунджаас бага, 40 гаруй хувьд дунджийн орчим ба ахиу орсон байна.

​