Онцлох мэдээ:         7 дугаар сарын 11-ны өдрийн байдлаар манай орны ихэнх гол мөрөн, нуурын усны түвшин олон жилийн дунджийг 10-50 см  зарим голууд үерийн түвшинг 5-45 см даван хүчтэй үерлэж байна. Тухайлбал: Сэлэнгэ мөрөн Тосонцэнгэл сум орчимд болон Хангай нурууны  арын Идэр, Чулуут, Урдтамир, Хэнтий нурууны баруун хажуугаас усжих Ерөө, Туул, Тэрэлж, Улиастай, Сөгнөгөр, зүүн хажуугийн Хэрлэн гол Мөнгөнморьт сум орчимд усны түвшин өмнөх өдрийнхөөс 20-45 см нэмэгдэж, Тэрэлж, Сөгнөгөр, Улиастай, Хэрлэн, Түргэн болон Ховд гол Мянгад сум орчимд үерийн түвшинг 5-45 см даван хүчтэй үерлэж байна. 7 дугаар сарын 12-нд Туул гол Улаанбаатар хот орчимд усны түвшин 40 см нэмэгдэж , үерийн түвшинг 30 см, Ерөө гол Дулаанхаан сум орчимд 20 см Сэлэнгэ мөрөн Хутаг сум орчимд 20 см , Хэрлэн гол Багануур дүүрэг орчимд 5 см тус тус нэмэгдэнэ. Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялаж зугаалж яваа хүмүүсийг үерийн аюулаас сэрэмжтэй байхыг онцгойлон  анхааруулж байна. Наадмын өдрүүдэд ихэнх нутгаар түр зуурын усархаг бороо орох тул тухайн хугацаанд орсон хур борооны эрчимшил хэмжээнээс шалтгаалан гол мөрний усны түвшин богино хугацаанд нэмэгдэж, үерлэх, жижиг голууд болон хуурай сайраар уруйн үер буух  нөхцөл бүрдэнэ. Ус, цаг уур, орчны судалгаа мэдээлэлийн хүрээлэнгийн Гадаргын усны судалгааны хэлтэс                                                                        2020-07-11

Ажиглалтын мэдээ > ХАА-н цаг уурын тойм мэдээ
Шинэчлэгдсэн: 2017-01-05 07:03:46

Хэвлэх

Энэ оны анхны экспедиц гарлаа.

2012 оны 4 дүгээр сарын 17-ны байдлаар УОБЕГ-аас өгч байгаа мэдээгээр Хөвсгөл аймгийн Цагаан-Үүр, Цэцэрлэг, Бүрэнтогтох,Эрдэнэбулган, Увс аймгийн Баруунтуруун сумын нутагт ойн түймэр асч байгаа бөгөөд Булган аймгийн Сэлэнгэ, Хутаг-Өндөр, Гурванбулаг, Сэлэнгэ аймгийн Түшиг, Хөвсгөл аймгийн Улаан-Уул сумын нутагт гарсан ойн түймэр цурманд ороод асч байгаа юм байна. Иймд УОБЕГ-ын холбогдох албаны хүмүүстэй зөвшилцсөний үндсэн дээр үүлэнд зориудаар нөлөөлж хур тунадас нэмэгдүүлж ойн түймэр унтраах арга хэмжээ зохион байгуулж эхэллээ. Тухайлбал Сэлэнгэ аймгийн "Сэлэнгэ-Бороо-1" экспедиц тус аймгийн Түшиг суманд, Булган аймгийн "Булган-Бороо-1" экспедиц Сэлэнгэ, Бугат сумын орчим, Хөвсгөл аймгийн "Мөрөн-Бороо-1" экспедиц Цагаан-Үүр суманд гарсан түймрийг унтраах зорилгоор үүлэнд зориудаар нөлөөлөлж тунадас нэмэгдүүлэхээр 17-ны өдөр ажилдаа гарлаа. 

Мөн энэ сарын 18-ны өдөр "Хурын шим" төвийн экспедиц Улаанбаатар хотын орчим Богдхан ууланд газрын генератор ажиллуулж хур тунадас нэмэгдүүлэх ажил зохион байгуулах бэлтгэж байна.

                                                                          Д.Чулуунбат

Онцлох мэдээ

Улаанбаатар - 2020/07/11

17 цаг

21 69
O
CF
Үзэгдэлгүй
2 м/с

ӨНӨӨДӨР - 2020/07/11

22 71
O
CF
Бага зэргийн бороо

7 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store