Онцлох мэдээ:         7 дугаар сарын 11-ны өдрийн байдлаар манай орны ихэнх гол мөрөн, нуурын усны түвшин олон жилийн дунджийг 10-50 см  зарим голууд үерийн түвшинг 5-45 см даван хүчтэй үерлэж байна. Тухайлбал: Сэлэнгэ мөрөн Тосонцэнгэл сум орчимд болон Хангай нурууны  арын Идэр, Чулуут, Урдтамир, Хэнтий нурууны баруун хажуугаас усжих Ерөө, Туул, Тэрэлж, Улиастай, Сөгнөгөр, зүүн хажуугийн Хэрлэн гол Мөнгөнморьт сум орчимд усны түвшин өмнөх өдрийнхөөс 20-45 см нэмэгдэж, Тэрэлж, Сөгнөгөр, Улиастай, Хэрлэн, Түргэн болон Ховд гол Мянгад сум орчимд үерийн түвшинг 5-45 см даван хүчтэй үерлэж байна. 7 дугаар сарын 12-нд Туул гол Улаанбаатар хот орчимд усны түвшин 40 см нэмэгдэж , үерийн түвшинг 30 см, Ерөө гол Дулаанхаан сум орчимд 20 см Сэлэнгэ мөрөн Хутаг сум орчимд 20 см , Хэрлэн гол Багануур дүүрэг орчимд 5 см тус тус нэмэгдэнэ. Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялаж зугаалж яваа хүмүүсийг үерийн аюулаас сэрэмжтэй байхыг онцгойлон  анхааруулж байна. Наадмын өдрүүдэд ихэнх нутгаар түр зуурын усархаг бороо орох тул тухайн хугацаанд орсон хур борооны эрчимшил хэмжээнээс шалтгаалан гол мөрний усны түвшин богино хугацаанд нэмэгдэж, үерлэх, жижиг голууд болон хуурай сайраар уруйн үер буух  нөхцөл бүрдэнэ. Ус, цаг уур, орчны судалгаа мэдээлэлийн хүрээлэнгийн Гадаргын усны судалгааны хэлтэс                                                                        2020-07-11

Ажиглалтын мэдээ > Цаг агаарын мэдээ
Шинэчлэгдсэн: 2020-07-06 18:17:33

Хэвлэх

Сарын тойм

2020 ОНЫ 6 ДУГААР САРЫН УУР АМЬСГАЛЫН ТОЙМ

      Манай орны 6 дугаар сарын агаарын дундаж температур (1981-2010 оны дунджаар) Алтай, Хангай, Хөвсгөл, Хэнтийн уулархаг нутгаар 13°С-аас 8°С (55.4°F-аас 46.4°F), Говь-цөлийн бүс нутгаар 19°С-аас 25°С  (66.2°F-аас 77°F), бусад нутгаар  12.5°С -аас 19°С (54.5°F-аас 66.2°F) байдаг байна.

      Монгол орны хэмжээнд 6 дугаар сард ойролцоогоор жилийн нийлбэр хур тунадасны 18 хувь нь ордог. Сардаа төв болон нутгийн хойд хэсгээр 50 мм-ээс 74 мм, говь-цөлийн бүс нутгаар 8-аас 20 мм,  бага бусад нутгаар 18-50 мм тунадас унадаг байна (Зураг 1).

Зураг 1. 1981-2010 оны 6 дугаар сарын агаарын дундаж температур, нийлбэр хур тунадасны  газарзүйн тархалт

      2020 оны 6 дугаар сарын агаарын дундаж температур өмнөх жилээс 0.7°С-аар хүйтэн, 1981-2010 оны дунджаас (ОЖД) 0.7°С-аар дулаан байсан ба 1940 оноос хойш тохиолдож байгаа 17 дахь дулаан сар болж өнгөрлөө. Бүс нутгаар авч үзэхэд  (Зураг 2) төвийн болон нутгийн зүүн урьд хэсгээр ОЖД-аас +1.0–аас +2.6°С –аар дулаан, Төв аймгийн Бүрэнгийн нутгаар ОЖД-аас +3.4°С –аар илүү дулаан, бусад нутгаар ОЖД орчим байжээ.

     Хур тунадасны хувьд тус сард Монгол орны хэмжээнд дунджаар 31.5 мм тунадас орсон. Бүс нутгаар авч үзэхэд Төв, Хэнтий, Дорнодын хойд, Хөвсгөлийн Шинэ-Идэр Жаргалант, Баян-Өлгийн Алтай, Ховдын Булган орчмоор ОЖД-аас 20-80 хувиар ахиу хур тунадас орсон. Харин Хөвсгөл, Булган, Төв, Сүхбаатар аймгийн зарим нутгаар ОЖД орчим, бусад нутгаар ОЖД-аас 20-40 хувиар бага тунадас оржээ (Зураг 2).

Зураг 2.  2020 оны 6 дугаар сарын агаарын дундаж температур, нийлбэр хур тунадасны ОЖД-аас хазайх хазайлт

     Монгол орноор дундажласан 6 дугаар сарын хоногийн дундаж агаарын температурын явцыг харахад (Зураг 3) сарын эхний хоногуудад +0.2-аас +3.7°С, дунд болон сүүлчээр +2.9-аас +4.8°С-аар тус тус дулаан байлаа. Хур тунадасны хувьд 3-р 10 хоногийн эхний хагаст ихэнх нутгаар ахиу хур тунадас оржээ.

Зураг 3. Хоногийн дундаж агаарын температур, нийлбэр хур тунадасны ОЖД-аас хазайх хазайлт

      6 дугаар сард 30°С-аас халуун өдөр говь-цөлийн бүс нутгаар 10-21 өдөр, Ховд, Говь-Алтай, Дархан-Уул, Сэлэнгэ, Төв, Улаанбаатарын зарим нутгаар 5-10 өдөр, бусад нутгаар 5-аас цөөн өдөр ажиглагджээ.

Зураг 4. 30°С-аас халуун өдрийн өдрийн тооны газарзүйн тархалт

      Тус сард агаарын температурын үнэмлэхүй их утга Дорноговийн Хөвсгөлд 39.3°С, үнэмлэхүй бага утга Хөвсгөлийн Хатгалд -4.1°С хүрчээ. Хөрсний температурын үнэмлэхүй их утга Орхон-Уулын Эрдэнэтэд 69°С, үнэмлэхүй бага утга Хөвсгөлийн Хатгалд -7°С хүрч хүйтэрсэн. Харин даралтын үнэмлэхүй их утга Сэлэнгийн Сүхбаатарт 941.5гПА, бага утга Баянхонгорын Баянбулагт 764.3гПа хүрч тус тус ажиглагдсан. Салхины хурд хамгийн их нь Баян-Өлгийн Өлгийд 46м/с хүрчээ.

Зураг 5. Тус сард ажиглагдсан экстремаль утгууд

Уур амьсгалын өөрчлөлт, нөөцийн судалгааны хэлтэс, УЦУОСМХ

Онцлох мэдээ

Улаанбаатар - 2020/07/11

14 цаг

20 68
O
CF
Clear
4 м/с

ӨНӨӨДӨР - 2020/07/11

22 71
O
CF
Rain

7 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store