Онцлох мэдээ: 2018-04-20-ны өдрийн байдлаар Монгол орны ихэнх гол, мөрөн мөснөөс бүрэн чөлөөлөгдсөн хэдийч зарим гол мөрөнд мөсний үзэгдэл идэвхижиж мөс эрчимтэй хайлж, хаврын шар усны үер цөнгийн хахаатай давхцан  голын усны түвшин нэмэгдэж, ус эргээсээ хальж голын эрэг татам орчим усанд автах үзэгдэл ажиглагдаж болзошгүй байна. Иймд ард иргэд хаврын шар усны үер болон мөс цөмрөх аюулаас сэрэмжтэй байхыг онцгойлон анхааруулж байна. Гадаргын усны судалгааны хэлтэс 2018-04-20                                                                                                                   

Ажиглалтын мэдээ > Цаг агаарын мэдээ
Шинэчлэгдсэн: 2018-04-06 19:21:59

Хэвлэх

Сарын тойм

2018 оны 3 дугаар сарын уур амьсгалын тойм

 Цаг агаар, уур амьсгалын онцлог

а. Агаарын температур

        2018 оны 3 дугаар сарын агаарын дундаж температур Монголын нутгийн дунджаар -2.0°C буюу уур амьсгалын дунджаас 5.5°C-аар дулаан байснаас хамгийн их дулаан утга Баянхонгорын Галуутад дунджаас 9.0°C, хамгийн бага дулаан утга Сэлэнгийн Ерөө, Дорнодын Дашбалбарт д 0.4..0,6°C-аар дулаан байв. /Зураг-1/

3 дугаар сарын агаарын үнэмлэхүй бага температур Идэр, Тэсийн хөндийгөөр -38°C..-40°C, Увс нуур, Завхан гол, Дархадын хотгор, Ерөө, Тэрэлж, Хэрлэн, Онон, Улз, Халх голын саваар -31°C..-36°C градус, Алтайн өвөр говь, Говийн нутгийн өмнөд хэсгээр -10°C..-18°C, бусад нутгаар -20°C..-28°C байсан ба Монголын нутгаар агаарын үнэмлэхүй хамгийн бага температур Завханы Цэцэн-Уулд -40°C хүрэв. /Зураг-2/

3 дугаар сарын агаарын үнэмлэхүй их температур Дархадын хотгор, Увс нуур, Идэр, Тэсийн хөндий, Завхан голын эх, Алтай, Хангай, Хөвсгөлийн уулархаг нутгаар +10°C...+16°C, бусад нутгаар +17...+23°C ба  энэ сарын агаарын үнэмлэхүй хамгийн их температур Баянхонгорын Эхийн гол, Өмнөговийн Ханбогдод +23°C хүрлээ. /Зураг-3/

б. Хур тунадас:

             3 дугаар сард орсон хур тунадасны нийлбэр нь бүх нутгийн дунджаар 3,6мм буюу уур амьсгалын дунджийн орчим байв. Завханы баруун өмнөд, Ховд, Архангай, Өвөрхангайн хойд, Увс, Баянхонгор, Хөвсгөл, Булган, Төв, Хэнтийн өмнөд, Сүхбаатарын баруун, Говь-Алтай, Дундговь, Өмнөговь, Дорноговь, Говь-Сүмбэрийн нутгаар 0.0-2,0 мм хүртэл буюу уур амьсгалын дунджаас харьцангуй бага, Баян-Өлгий, Ховдын өмнөд, Увс, Баянхонгор, Хөвсгөл, Булган, Хэнтийн хойд, Сэлэнгэ, Дорнодын ихэнх нутгаар 6-13 мм буюу дунджаас ахиу, бусад нутгаар дунджийн орчим хур тунадас цас оров.  /Зураг-5/

в. Цасан бүрхүүл3 дугаар сарын 10-ны байдлаар нийт нутгийн 30 орчим хувь цасан бүрхүүлтэй байснаас Увсын Наранбулаг, Давст, Хяргас, Баруунтуруун, Малчин, Зүүнговь, Завханы Тэс, Цэцэн-Уул, Баянтэс, Нөмрөг, Сонгино, Тосонцэнгэл, Баянхайрхан, Өвөрхангайн Есөн-Зүйл, Булганы Хангал, Орхон, Сэлэнгийн Орхонтуул, Баруунбүрэн, Ерөө /Бугант/, Дорнодын Халхгол, Сүхбаатарын Асгатад 21-40 см, Хэнтий, Дорнод, Баян-Өлгий, Ховд, Говь-Алтай, Баянхонгор, Увс, Завхан, Хөвсгөл, Булган, Өвөрхангай, Сэлэнгэ, Төв, Сүхбаатарын зарим сумдын нутгаар 0-10 см, бусад нутгаар 11-20 см зузаан цастай байв .

г. Салхи:3 дугаар сарын салхины үнэмлэхүй дундаж их хурдыг авч үзвэл: ихэнх нутгаар 11-17м/с, Баян-Өлгий, Увс, Ховд, Говь-Алтай, Баянхонгор, Өмнөговь, Дундговь, Хэнтийн ихэнх нутгаар секундэд 18-24 метр, Баян-Өлгийн Өлгий, Ховдын Зэрэг, Говь-Алтайн Бугатад түр зуур 26-35м/с хүрч хүчтэй шороон ба цасан шуурга шуурав. /Зураг-6/

Улаанбаатар - 2018/04/22

2 цаг

6 42
O
CF
Clear

0 м/с

ӨНӨӨДӨР - 2018/04/21

10 50
O
CF
Rain

8 м/с

Шинэ мэдээ

Санал асуулга

Та цаг агаарын өдөр тутмын мэдээллээ ямар эх сурвалжаас авдаг вэ?

google play app store