Ажиглалтын мэдээ > Цаг агаарын мэдээ
Шинэчлэгдсэн: 2017-06-07 16:50:45

Хэвлэх

Сарын тойм

                                                           2017 оны 5 дугаар сарын уур амьсгалын тойм

а. Температур

5 дугаар сарын агаарын дундаж температур 13.2°C буюу уур амьсгалын дунджаас /1981-2010/ 2.2°C дулаан байв/зураг-1/.

5 дугаар сарын агаарын үнэмлэхүй бага температур Баян-Өлгийн нутаг, Завхан, Говь-Алтай, Баянхонгор, Хөвсгөлийн хойд, Төв аймгийн зүүн хэсгээр -10°C..-14°C градус, Говь-Алтай, Баянхонгорын өмнөд хэсэг, Өмнөговь, Дорноговь, Сэлэнгэ, Сүхбаатарын ихэнх нутгаар -1°C..-5°C градус, бусад нутгаар -6°C..-9°C градус хүйтэн буюу сарын  үнэмлэхүй хамгийн бага температур Говь-Алтайн Алтайд -14°C хүрсэн байна. /зураг-2/.

5 дугаар сард агаарын үнэмлэхүй их температур Баян-Өлгий, Ховд, Говь-Алтай, Завхан, Баянхонгор, Хөвсгөл, Архангайн уулархаг нутгаар +21°C...+26°C, Говь-Алтай, Баянхонгорын өмнөд, Хөвсгөлийн зүүн, Булган, Сэлэнгэ, Төв, Хэнтий, Дорнод, Сүхбаатар, Өмнөговь, Дорноговь, Дундговийн нутгаар +33°C..+38°C, бусад нутгаар +27°C...+32°C хүрэв. 5 дугаар сарын үнэмлэхүй хамгийн их температур Дорнодын Халхгол, Дорноговийн Хөвсгөл, Замын-Үүдэд +38°C хүрсэн байна/зураг-3/

Ялангуяа 5 дугаар сарын 14-18, 24-26-нд ихэнх нутгаар огцом халж төв, говь, зүүн зүгийн зарим нутгаар уур амьсгалын хоногийн дунджаас 10-17 градусаар, 1979 оноос хойш ажиглагдсан агаарын үнэмлэхүй хамгийн их утгаас 3-7 градусаар давж халсанаараа  онцлогтой байв.   

б. Хур тунадас

             5 дугаар сард Увсын Малчин, Хяргас, Баянхонгорын Эрдэнэцогт, Жаргалант, Баян-Өндөр, Өмнөговийн Гурвантэс, Архангайн Батцэнгэл, Тариат, Булган, Эрдэнэбулган, Булганы Бүрэгхангай, Сэлэнгэ, Орхоны Эрдэнэт, Жаргалант, Сэлэнгийн Мандал, Цагааннуур, Хүдэр, Баянгол, Бугант, Зүүнбүрэн, Баруунбүрэн, Хушаат, Орхон, Орхонтуул, Дархан-Уулын Шарынгол, Хонгор, Орхон, Дархан, Төвийн Жаргалант, Борнуур, Хэнтийн Дадал, Дорнодын Дашбалбар, Баян-Уул, Чулуунхороот, Баяндун сумдын нутагт 20,1-38,8 мм, Архангай, Булганы ихэнх, Баян-Өлгий, Увс, Ховд, Завхан, Говь-Алтай, Баянхонгор, Хөвсгөл, Өвөрхангай, Өмнөговь, Сэлэнгэ, Төв, Хэнтий, Дорнод, Сүхбаатарын зарим нутгаар 10,1-20,0мм,  бусад нутгаар 0-10 мм хур тунадас оров \зураг-4/

5 дугаар сард ихэнх нутгаар уур амьсгалын дундаж болон өнгөрсөн оны 5 дугаар сартай харьцуулбал харьцангуй бага хур тунадас оров. Зөвхөн Баянхонгор, Сэлэнгийн ихэнх нутаг, Говь-Алтайн баруун өмнөд, Завханы зүүн өмнөд, Архангайн баруун, Өвөрхангайн өмнөд, Өмнөговийн баруун, Булган, Хэнтийн зүүн хойд, Дорнодын хойд хэсгээр уур амьсгалын дунджийн орчим буюу Баянхонгорын Баянбулаг, Шинэжинст, Архангайн Тариат, Өвөрхангайн Богд, Дархан-Уул, Сэлэнгийн Орхон, Өмнөговийн Гурвантэс, Дорнодын Дашбалбар зэрэг газраар ахиу орлоо/зураг-5/.  

в. Салхи

            5 дугаар сарын салхины үнэмлэхүй их хурдыг авч үзвэл  говь, талын бүх нутгаар 18-24 м\с, бусад нутгаар 10-16м/с хүрч ширүүссэнээс Говь-Алтайн Бугат, Өмнөговийн Сайхан, Дорнодын Дашбалбар, Дорноговийн Мандах, Хөвсгөл, Замын-Үүдэд 24м/с хүрсэн байна/зураг-7/. 5 дугаар сард нийт нутгаар харьцангуй их салхитай сар байв. Тухайлбал, хоногийн салхины үнэмлэхүй их хурд 10м/с-ээс дээш байсан хоног нутгийн 28%-д 20-25 хоног, нутгийн 47%-д 10-18 хоног ажиглагдсан нь сүүлийн жилүүдээс харьцангуй салхи ихтэй байсныг харуулж байна. 

 

Улаанбаатар - 2017/06/23

5 цаг

13 55
O
CF
Clear

0 м/с

ӨНӨӨДӨР - 2017/06/22

25 77
O
CF
Rain

8 м/с

Шинэ мэдээ

Санал асуулга

Та цаг агаарын өдөр тутмын мэдээллээ ямар эх сурвалжаас авдаг вэ?

google play app store