Онцлох мэдээ:         7 дугаар сарын 11-ны өдрийн байдлаар манай орны ихэнх гол мөрөн, нуурын усны түвшин олон жилийн дунджийг 10-50 см  зарим голууд үерийн түвшинг 5-45 см даван хүчтэй үерлэж байна. Тухайлбал: Сэлэнгэ мөрөн Тосонцэнгэл сум орчимд болон Хангай нурууны  арын Идэр, Чулуут, Урдтамир, Хэнтий нурууны баруун хажуугаас усжих Ерөө, Туул, Тэрэлж, Улиастай, Сөгнөгөр, зүүн хажуугийн Хэрлэн гол Мөнгөнморьт сум орчимд усны түвшин өмнөх өдрийнхөөс 20-45 см нэмэгдэж, Тэрэлж, Сөгнөгөр, Улиастай, Хэрлэн, Түргэн болон Ховд гол Мянгад сум орчимд үерийн түвшинг 5-45 см даван хүчтэй үерлэж байна. 7 дугаар сарын 12-нд Туул гол Улаанбаатар хот орчимд усны түвшин 40 см нэмэгдэж , үерийн түвшинг 30 см, Ерөө гол Дулаанхаан сум орчимд 20 см Сэлэнгэ мөрөн Хутаг сум орчимд 20 см , Хэрлэн гол Багануур дүүрэг орчимд 5 см тус тус нэмэгдэнэ. Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялаж зугаалж яваа хүмүүсийг үерийн аюулаас сэрэмжтэй байхыг онцгойлон  анхааруулж байна. Наадмын өдрүүдэд ихэнх нутгаар түр зуурын усархаг бороо орох тул тухайн хугацаанд орсон хур борооны эрчимшил хэмжээнээс шалтгаалан гол мөрний усны түвшин богино хугацаанд нэмэгдэж, үерлэх, жижиг голууд болон хуурай сайраар уруйн үер буух  нөхцөл бүрдэнэ. Ус, цаг уур, орчны судалгаа мэдээлэлийн хүрээлэнгийн Гадаргын усны судалгааны хэлтэс                                                                        2020-07-11

Ажиглалтын мэдээ > Цаг агаарын мэдээ
Шинэчлэгдсэн: 2020-07-11 11:43:39

Хэвлэх

1 хоногийн тойм

2020 оны 07 дугаар сарын 10-ны 08 цагаас 2020 оны 07 дугаар сарын 11-ний 08 цаг хүртэлх 

цаг агаарын тойм

Тунадас: Өнгөрсөн хоногт Сэлэнгэ, Хэнтийн нутаг, Сүхбаатар, Дорнодын баруун, Булган, Төв, Дундговь, Дорноговийн зүүн, Увс,  Баянхонгор, Өвөрхангайн хойд, Баян-Өлгий, Хөвсгөл, Архангай аймгуудын зарим газраар 0.1- 48.4 мм бороо, зарим газраар дуу цахилгаантай аадар бороо орсноос хамгийн их нь Сүхбаатар аймгийн Мөнххаан 48.4 мм,  Сэлэнгэ аймгийн Бугант 37.0мм, Хэнтийн Гурванбаян 31.0мм бороо орж аюултай үзэгдлийн хэмжээнд хүрч,  Сүхбаатарын  Түмэнцогт 23.0мм,  Төв аймгийн Тэрэлж , Мөнгөнморьт 19.0мм, Хэнтийн Цэнхэнмандал 16.0мм, Төв аймгийн Багануур, Хэнтийн Өндөрхаан, Батноров 15.0мм, Архангайн Өгийнуур, Сүхбаатарын Түвшинширээ 14.0мм, Сэлэнгийн Ерөө, Сүхбаатарын Баруун-Урт, Наран, Онгон, Төв аймгийн Борнуур, Батсүмбэр, Хэнтийн Баян-Овоо,  Хэрлэнбаян-Улаан сумдын нутгаар 10.0-12.0мм бороо орсон байна.

Температур их: Өчигдөр өдөр нутгийн зүүн хагаст 1-10 градусаар сэрүүсч, бусад нутгаар 1-8 градусаар дулаарсан байна. Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим,Орхон, Сэлэнгэ, Хараа, Туул, Тэрэлж  голын хөндийгөөр +14...+21 градус, Их Нууруудын хотгор, говийн аймгуудын нутгийн өмнөд хэсэг, Онон, Улз, Халх голын хөндий, Дарьгангын тал нутгаар  +27...+33 градус, бусад нутгаар +22...+27  градус дулаан байв.

Температур бага: Өнгөрсөн шөнө Алтай, Хангай, Хөвсгөлийн уулархаг нутаг, Хүрэнбэлчир орчим, Завхан голын эхээр 0...+8 градус, Их нууруудын хотгор болон говийн бүс нутаг, Орхон-Сэлэнгийн сав газар, Улз, Халх голын хөндийгөөр +15...+20 градус, бусад нутгаар +9...+14 градус хоносон байна.

Салхи: Өнгөрсөн хоногт ихэнх нутгаар 6-11 м/с, говийн аймгуудын нутгийн зүүн, зүүн аймгуудын нутгаар түр зуур секундэд 18-20 метр хүрч ширүүссэн байна.

Улаанбаатар хот орчмоор: Өчигдөр өдөртөө 5.0 мм, өнгөрсөн шөнө  0.1-0.4 мм бороо орсон байна. Салхи баруун хойноос 6-11 м/с. Өчигдөр өдөр +16  градус, өнгөрсөн шөнө +13 градус  орчим хонов.

ЦАГ УУР, ОРЧНЫ ШИНЖИЛГЭЭНИЙ ГАЗАР

УРЬДЧИЛАН МЭДЭЭЛЭХ ХЭЛТЭС

Онцлох мэдээ

Улаанбаатар - 2020/07/11

14 цаг

20 68
O
CF
Clear
4 м/с

ӨНӨӨДӨР - 2020/07/11

22 71
O
CF
Rain

7 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store