Онцлох мэдээ: Мөс цөмрөх аюулаас сэрэмжлүүлэх мэдээ                 Дөрөвдүгээр сарын нэгний өдрийн байдлаар манай орны ихэнх гол, мөрөн, нуурын мөсний зузаан өнгөрсөн хугацааныхаас 5-50 см нимгэрч  мөс харлах, мөс байрандаа хайлах, усан зах үүсэх, харз гүйх зэрэг үзэгдэл ажиглагдаж  байна. Цаашид цаг агаарын дулааралтай уялдан гол мөрний мөс хайлж, мөсний нягт багасан хэврэгших тул цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг онцгойлон анхааруулж байна. Гадаргын усны судалгааны хэлтэс 2020-04-01

Ажиглалтын мэдээ > Цаг агаарын мэдээ
Шинэчлэгдсэн: 2020-04-05 10:55:12

Хэвлэх

1 хоногийн тойм

2020 оны 04 дүгээр сарын 04-ний 08 цагаас 2020 оны 04 дүгээр сарын 05ы 08 цаг хүртэлх цаг агаарын тойм

Тунадас: Өнгөрсөн хоногт бүх нутгаар хур тунадас ороогүй байна. 

Цасны зузаан: Манай нутгийн 10 гаруй хувьд нь цастай байгаагаас өнөө өглөөний 08 цагийн өртөө, харуулуудын талбай дээрх ажиглалтын мэдээгээр Увсын ихэнх нутаг, Завханы хойд, Хөвсгөлийн баруун хэсгээр өмнөх хоногоосоо 3-4 см-ээр цасны зузаан багасч 1.0-30.0 см зузаан цасан бүрхүүлтэй болсон байна. Үүнээс хамгийн их нь Увсын Малчин, Хяргас 30.0 см, Завханы Баянтэс 26.0 см, Увсын Зүүнговь, Завханы Тэсэд 20-22 см, Увсын Улаангом, Түргэн, Тэс, Баруунтуруун,  Завханы Ярууд 14-18 см, Увсын Давст, Сагил, Завханы Тосонцэнгэл, Баянхайрхан, Их-Уул, Түдэвтэй, Хөвсгөлийн Жаргаланд 4.0-12.0 см зузаан цастай, бусад нутгаар цасгүй  байна.

Температур их:  Өчигдөр өдөр өмнөх өдрөөсөө ихэнх нутгаар 3-8 градусаар дулаарч Увс нуурын хотгороор -4...-9 градус, Алтай, Хангай, Хөвсгөлийн уулархаг нутаг, Халх голын хөндийгөөр +4...+9 градус, Орхон-Сэлэнгийн сав газар болон говийн аймгуудын нутгийн өмнөд хэсгээр +15...+20 градус, бусад нутгаар +12...+17 градус байв.

Температур бага: Өнгөрсөн шөнө ихэнх нутгаар 1-6 градусаар дулаарч Увс нуурын хотгор, Завхан голын эх, Идэр, Тэс голын хөндийгөөр -17...-22 градус, Алтай, Хангай, Хөвсгөл, Хэнтэйн уулархаг нутаг, Туул, Тэрэлж, Халх голын хөндийгөөр -5...-10 градус, бусад нутгаар -1...+4 градус хонов. 

Салхи: Өнгөрсөн хоногт ихэнх нутгаар 2-7 м/с, нутгийн зүүн хэсгээр зарим үед секундэд 12-14 метр хүрч ширүүсч шороон шуурга шуурсан байна.

Улаанбаатар хот орчмоор: : Өнгөрсөн хоногт хур тунадас ороогүй. Салхи баруун өмнөөс 4-9 м/с байв. Өдөртөө +16...+18 градус, шөнөдөө Яармаг-Сонгины орчмоор -9...-11 градус, бусад хэсгээр -1...-3 градус хонов.

Улаанбаатар - 2020/04/06

23 цаг

4 39
O
CF
Clear
5 м/с

ӨНӨӨДӨР - 2020/04/06

11 51
O
CF
Cloudy

10 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store