Ажиглалтын мэдээ > Голын усны тойм мэдээ
Шинэчлэгдсэн: 2019-11-21 16:18:33

Хэвлэх

Гол, мөрний усны горимын тойм 2019-11-21

2019 оны арваннэгдүгээр сарын хоёрдугаар арав хоног

Арваннэгдүгээр сарын дунд арав хоногт нийт нутгаар цаг агаар огцом хүйтэрсэнтэй уялдаад манай орны ихэнх гол мөрөн, нууранд битүү мөсөн бүрхүүл тогтож жижиг голууд ёроолдоо хүртэл хөлдсөн бол дунд болон томоохон голуудад 15-40 см зузаан мөсөн бүрхүүл тогтсон байна.

Тухайлбал: Хөвсгөлийн уулсаас эх авсан Дэлгэрмөрөн, Бэлтэс, Бүгсий, Үүр, Шишхэд зэрэг голд 10-30 см зузаан мөсөн бүрхүүл тогтсон бол Эг голын эхээр мөсөн захтай байна. Эдгээр голуудын мөсний зузааныг өмнөх оны мөн үе болон олон жилийн дундажтай харьцуулбал 5-10 см бага байна.

Хангай нурууны араас усжих Идэр, Хануй, Чулуут голын дагууд 15-40 см зузаан мөсөн бүрхүүлтэй ба энэ нь өмнөх арав хоногоос 15-25 см нэмэгдсэн байна. Хангайн арын голуудын мөсний зузаан 2018 оны мөн үе болон олон жилийн дунджаас 5-15 см нимгэн байна.

 Хэнтий нурууны баруун хажуугийн Хүдэр, Хараа, Ерөө, Шарын гол, Тэрэлж, Туул, Сэлбэ, Улиастай, Сөгнөгөр зэрэг голууд 10-30 см зузаан мөстэй байгаа ба энэ нь өмнөх арав хоногоос 10-25 см зузаарсан байна. Харин Туул гол Алтанбулаг, Заамар орчимд тогтвортой мөсөн бүрхүүл тогтож амжаагүй мөсөн зах, дунд зэргийн зайр гүйх үзэгдэл голлон ажиглагдаж байна.

Сэлэнгэ мөрөн Орхон голын дагууд 10-25 см зузаан мөсөн бүрхүүлтэй, мөсний зузаан нь өнгөрсөн оны мөн үеэс 5-20 см ахиу харин олон жилийн дунджаас 10-15 см бага байна.

   Хэнтий нурууны ар, зүүн хажуугаас эхтэй Хурх, Барх, Эг, Балж, Онон, Хэрлэн, Улз болон Их Хянганы нуруунаас эхтэй Халх голын дагууд 10-30 см зузаан мөсөн бүрхүүл тогтсон ба мөсний зузаан өмнөх арав хоногоос 10-25 см нэмэгдсэн байна. Эдгээр голуудын мөсний зузаан олон жилийн дундаж болон 2018 оны мөн үеийнхээс 5-15 см бага байна.  

            Алтай нуруу болон түүний салбар уулсаас усжих Ховд голын эх , Турган, Харбут, Чигэртэй, Дундцэнхэр, Долооннуур зэрэг голын мөсний зузаан өмнөх арав хоногоос 5-20 см нэмэгдэж, 15-30 см зузаан мөсөн бүрхүүлтэй болсон ба энэ нь олон жилийн дундаж болон өнгөрсөн оны мөн үеэс 5-15 см нимгэн мөсөн бүрхүүлтэй байна. Харин Ховд гол Мянгад сум орчимд болон Буянт, Сагсай, Булган, Чонохарайх, Төгрөг голд мөсөн зах, шингэн болон дунд зэргийн зайр гүйх үзэгдэл зонхилон ажиглагдаж байна.

Хангай нурууны өврийн Буянт, Хүнгүй, Яруу, Хожуул, Завхан, Зүйл, Байдраг, Заг, Шаргалжуут, Цагаантуруут,  Шар усны гол, Онги, Зэгстэй, Таац зэрэг голуудад 10-40 см зузаан мөсөн бүрхүүл тогтсон ба мөсний зузааныг өмнөх оны мөн үе болон олон жилийн дундажтай харьцуулбал 5-25 см нимгэн байна.  Яруу, Цагаантуруут, Шар ус, Заг, Зэгстэй зэрэг голууд ёроолдоо хүртэл хөлдсөн байна.

Увс нуурын савын Чигж, Баруунтуруун, Түргэн, Тэс, Намир, Хангилцаг, Хариг зэрэг голууд 10-30 см зузаан мөстэй бол Хархираа голд мөсөн зах, бижрүү гүйх үзэгдэл ажиглагдаж байна.  

Арваннэгдүгээр сарын хоёрдугаар арав хоногийн байдлаар манай орны ихэнх гол мөрөн битүү мөсөн бүрхүүлтэй болсон хэдий ч гол мөрний нийт уртын дагууд мөсний зузаан харилцан адилгүй байгаа ба  мөсний даац хүн, мал, машин тэрэг явахад аюулгүй хэмжээнд хүрч бэхжээгүй тул мөсөн дээгүүр явах болон авто тээвэр хийхгүй байхыг онцгойлон анхааруулж байна.

Зарим томоохон гол мөрний мөсний зузааныг тухайн үеийн олон жилийн дундаж утгатай харьцуулан хүснэгтэнд үзүүлэв.

 

ä/ä

 

Гол-харуулын нэр

Олон жил

 

Мөсний зузаан, 2018.11.21

Мөсний зузаан, 2019.11.21

Дундаж

Хамгийн их

Мөсний зузаан, см

1

Сэлэнгэ мөрөн- Хялгант сум

34

58

22

23

2

Сэлэнгэ мөрөн - Сүхбаатар

23

67

-

24

3

Дэлгэрмөрөн гол-Мөрөн сум

26

58

34

26

4

Эг гол-Эрдэнэбулган сум

15

60

13

18

5

Идэр гол-Их-Уул сум

44

48

16

23

6

Орхон гол-Орхон сум / Сэлэнгэ /

-

46

-

20

7

Орхон гол-Сүхбаатар сум

23

48

-

20

8

Туул гол-Улаанбаатар хот

29

63

8

15

9

Ерөө гол-Ерөө сум

27

60

-

-

11

Хараа гол-Баруунхараа сум

22

43

10

23

13

Онон гол-Биндэр сум

24

63

15

28

14

Хэрлэн гол-Өндөрхаан сум

28

65

10

21

15

Хэрлэн гол-Чойбалсан сум

28

58

31

28

16

Халх гол-Сумбэр сум

29

67

15

26

17

Ховд гол –Өлгий сум

36

52

39

22

18

Булган гол-Булган сум

21

31

-

-

19

Түй гол-Баянхонгор сум

14

45

-

-

20

Завхан гол-Гуулин сум

36

94

33

12

Гадаргын усны судалгааны хэлтэс

2019.11.21

Улаанбаатар - 2019/11/22

23 цаг

-20 -4
O
CF
Clear

0 м/с

ӨНӨӨДӨР - 2019/11/22

-13 8
O
CF
Clear

9 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store