Урьдчилсан мэдээ > Улирал
Шинэчлэгдсэн: 2017-06-01 12:00:02

Хэвлэх

2017 оны дулааны улирлын цаг агаарын урьдчилсан төлөв

Монгол орны 2017 оны VII-IX сарын цаг агаарын урьдчилсан төлөв

Долдугаар сард. Уур амьсгалын дунджаар агаарын температурын сарын дундаж нь Баян-Өлгийн өмнөд, Завханы хойд болон зүүн, Говь-Алтай, Баянхонгор, Өвөрхангайн баруун хойд хэсэг, Хөвсгөл, Архангайн ихэнх нутгаар 12-17 градус, Говь-Алтайн зүүн өмнөд, Баянхонгор, Дорноговийн өмнөд хэсэг, Өмнөговийн ихэнх нутгаар 22-27 градус, бусад нутгаар 17-21 градус дулаан байдаг(1 дүгээр зураг).

Энэ сард агаарын дундаж температур Баян-Өлгий, Ховдын өмнөд, Сүхбаатарын зүүн хэсэг, Дорнодын нутгаар уур амьсгалын дунджийн орчим, бусад нутгаар уг дунджаас 0.5-1.0 градусаар дулаан байх төлөвтэй( 2 дугаар зураг).

Уур амьсгалын дунджаар Архангай, Булганы ихэнх нутаг, Хөвсгөлийн зүүн хагас, Өвөрхангай, Төв аймгийн баруун хойд, Сэлэнгийн баруун, Хэнтийн хойд, Сүхбаатарын зүүн өмнөд, Дорнодын хойд болон зүүн өмнөд хэсгээр 75-107 мм, Баян-Өлгий, Ховд, Говь-Алтай, Баянхонгор, Өмнөговь, Дорноговийн ихэнх нутаг, Увс, Өвөрхангай, Дундговийн өмнөд, Завханы баруун өмнөд хэсгээр 13-44 мм, бусад нутгаар 45-75 мм хүртэл бороо ордог( 3 дугаар зураг).

 Энэ сард Ховд, Хөвсгөл, Булганы хойд, Увс, Завханы баруун, Говь-Алтай, Сэлэнгийн баруун хойд, Баянхонгор, Өвөрхангай, Хэнтийн өмнөд, Дундговийн зүүн, Сүхбаатарын баруун хэсэг, Баян-Өлгий, Өмнөговь, Дорноговийн ихэнх нутгаар уур амьсгалын дунджаас бага, Сүхбаатар, Дорнодын зүүн өмнөд хэсгээр дунджаас ахиу, бусад нутгаар дунджийн орчим бороо орох төлөвтэй ( 4 дүгээр зураг).

Наймдугаар сард. Уур амьсгалын дунджаар агаарын температурын сарын дундаж нь Говь-Алтайн зүүн өмнөд, Баянхонгор, Өмнөговь, Дорноговийн өмнөд хэсгээр 20-25 градус, Баян-Өлгийн баруун, Завхан, Хөвсгөл, Архангайн ихэнх нутаг, Говь-Алтай, Баянхонгор, Өвөрхангайн хойд хэсгээр 10-15 градус, бусад нутгаар 15-20 градус дулаан байдаг( 5 дугаар зураг).

Энэ сард Сэлэнгэ, Төв аймгийн зүүн хойд, Дорноговийн зүүн, Хэнтий, Сүхбаатар, Дорнодын нутгаар уур амьсгалын дунджийн орчим, бусад нутгаар дунджаас 1.0-1.5 градусаар дулаан байх төлөвтэй(6 дугаар зураг).

Уур амьсгалын дунджаар хур тунадас Хөвсгөл, Архангайн зүүн, Төв, Хэнтий, Дорнодын хойд хэсэг, Булган, Сэлэнгийн ихэнх нутгаар 71-100 мм, Баян-Өлгий, Увс, Ховд, Говь-Алтай, Баянхонгор, Өмнөговь, Дорноговийн ихэнх нутаг, Завханы баруун, Өвөрхангай, Дундговийн өмнөд хэсгээр 13-40 мм, бусад нутгаар 41-70 мм ордог( 7 дугаар зураг).

Энэ сард Баян-Өлгий, Өвөрхангайн баруун хойд, Увсын баруун, Завханы зүүн, Баянхонгорын хойд, Архангайн өмнөд, Дорнодын зүүн өмнөд хэсгээр уур амьсгалын дунджаас ахиу, Ховдын өмнөд, Говь-Алтайн баруун өмнөд, Дундговийн зүүн, Төв аймгийн зүүн өмнөд, Хэнтийн өмнөд, Сүхбаатарын баруун хэсэг, Өмнөговь, Говь-Сүмбэр, Дорноговийн нутгаар уур амьсгалын дунджаас бага, бусад нутгаар дунджийн орчим хур тунадас орох төлөвтэй( 8 дугаар зураг).

Есдүгээр сард. Уур амьсгалын дунджаар агаарын температурын сарын дундаж нь Говь-Алтайн зүүн өмнөд, Баянхонгор, Дорноговийн өмнөд хэсэг, Өмнөговийн нутгаар 14-19 градус, Баян-Өлгийн баруун, Завханы хойд болон зүүн, Говь-Алтайн баруун болон хойд, Баянхонгорын баруун хойд хэсэг, Хөвсгөл, Архангайн ихэнх нутгаар 4-9 градус, бусад нутгаар 9-14 градус дулаан байдаг( 9 дүгээр зураг).

Энэ сард Баян-Өлгий, Ховд, Увсын нутаг, Говь-Алтай, Завханы баруун хэсэгээр уур амьсгалын дунджаас 0.5-1.0 градусаар дулаан, бусад нутгаар дунджийн орчим байх төлөвтэй(10 дугаар зураг).

Уур амьсгалын дунджаар хур тунадас Хөвсгөл, Хэнтий, Дорнодын хойд, Булганы зүүн хойд, Сэлэнгийн баруун, Төв аймгийн баруун хойд хэсгээр 30-44 мм, Баян-Өлгий, Увс, Ховд, Говь-Алтай, Баянхонгор, Өмнөговь, Дундговь, Дорноговийн ихэнх нутаг, Завхан, Архангай, Сүхбаатарын баруун өмнөд, Өвөрхангайн өмнөд хэсгээр 4-16 мм, бусад нутгаар 17-30 мм ордог(11 дүгээр зураг).

Энэ сард Ховдын өмнөд, Говь-Алтайн баруун өмнөд, Хөвсгөл, Булганы хойд, Сэлэнгийн баруун хойд хэсгээр уур амьсгалын дунджаас бага, Говь-Алтай, Дорноговийн зүүн, Завхан, Дорнодын зүүн өмнөд, Архангай, Дундговийн баруун өмнөд, Өвөрхангайн өмнөд хэсэг, Баянхонгор, Өмнөговь, Сүхбаатарын ихэнх нутгаар уур амьсгалын дунджаас ахиу, бусад нутгаар дунджийн орчим хур тунадас орох төлөвтэй(12 дугаар зураг).

2017-05-30

 

 

Улаанбаатар - 2017/06/23

5 цаг

13 55
O
CF
Clear

0 м/с

ӨНӨӨДӨР - 2017/06/22

25 77
O
CF
Rain

8 м/с

Шинэ мэдээ

Санал асуулга

Та цаг агаарын өдөр тутмын мэдээллээ ямар эх сурвалжаас авдаг вэ?

google play app store