Урьдчилсан мэдээ > Улирал
Шинэчлэгдсэн: 2017-01-03 15:03:55

Хэвлэх

2016 оны хүйтний улирлын цаг агаарын урьдчилсан төлөв

Хүйтний улирлын уур амьсгалын тойм

 

Хүйтний улирлын хамгийн дулаан сар болох X сард агаарын дундаж температур 1981-2010 оны дунджаар Алтай, Хангай, Хэнтэйн нуруу, Хөвсгөлийн уулархаг нутгаар 0-5 градус хүйтэн, Алтайн чанад говь болон говийн аймгуудын нутгаар 4-9 градус, бусад нутгаар 0-5 градус дулаан байдаг бол XII-I сард хүйтэрч Увс, Завханы хойд, Хөвсгөлийн баруун хойд, Сэлэнгийн зүүн хэсгээр 25-32 градус, Өмнөговийн нутаг, Говь-Алтай, Баянхонгор, Өвөрхангай, Дундговь, Дорноговийн өмнөд хэсэг, Цэцэрлэг, Арвайхээр орчмоор 11-18 градус, бусад нутгаар 20-25 градус хүйтэн байдаг. Харин III сараас дулаарч Увс, Зaвхaны хойд, Хөвсгөлийн баруун хэсгээр 12-17 градус, Ховд, Говь-Алтай, Баянхонгор, Өвөрхангай, Дундговийн өмнөд хэсэг, Өмнөговь, Дорноговийн нутгаар 0-5 градус, бусaд нутгaaр 6-11 градус хүйтэн байдаг. Гэхдээ жил бүрийн өвөл харилцан адилгүй байдаг. Тухайлбал: Сарын дундаж температур 1982, 1990, 1995 оны X-XII сард ихэнх нутгаар уур амьсгалын дунджаас 1-3 градус, 1990, 1993, 1998, 1999, 2002 оны I-III сард 3-7градусаар дулаан болж, хоногийн үнэмлэхүй их температур говь талын нутгаар 15-20 градус хүрч дулаарч байсан бол 1944,1956, 1967, 1976, 1981, 1987, 2002 оны X-XII сард олон жилийн дунджаас 1-4градусаар, 1945, 1957,  1977, 1981, 1984, 2001 оны I сард 3-6 градусаар хүйтэн болж, 1944-1945, 1956-1957, 1976-1977, 2005 оны өвөл Увс, Завхан, Баянхонгор, Хөвсгөлийн хойд хэсгээр шөнөдөө 45-55 градус хүрч хүйтэрч байв.

Уур амьсгалын дундаж байдлаар X сард Хангай, Хөвсгөл, Хэнтэйн уулархаг нутаг, Орхон-Сэлэнгийн сав, Дорнодын тал нутгаар 12-17 мм, Их нууруудын хотгор, говийн нутгаар 1-5 мм, бусад нутгаар 6-11 мм хур тунадас ордог бол XI сараас эрс багасаж XII-II сард Хангай, Хөвсгөл, Хэнтэйн уулархаг нутаг, Орхон-Сэлэнгийн сав, Дорнодын тал нутгаар 2-4 мм, бусад нутгаар 2 мм хүртэл цас ордог. Харин III сараас бага зэрэг ихсэж Их нууруудын хотгор, говийн  нутгийн зүүн хэсгээр 0-2 мм, бусад нутгаар 3-7 мм хур тунадас ордог. Гэвч 1975, 1987, 1988,1993, 2001, 2002, 2009-10 онд зарим нутгаар уур амьсгалын дунджаас 3-5 дахин их цас орсон бөгөөд 1990, 1993 оны хаврын эхээр Говь-Алтай, Завхан, Баянхонгор, Өмнөговийн нутгаар 5-7 хоногт 20-56 мм нойтон цас орсон нь гамшигт үзэгдлийн хэмжээнд хүрч олон мянган мал хорогдсон байна.

Уур амьсгалын дунджаар Алтай, Хангай, Хөвсгөл, Хэнтэйн уулархаг нутгаар XI сарын эхний арав хоногт, говийн нутгаар XI сарын cүүлчийн арав хоногт, зарим үед XII сарын эхний арав хоногт, бусад нутгаар XI сарын дунд арав хоногоос цасан бүрхүүл тогтдог. XII-I сард цасны дундаж зузаан говийн нутгаар 1-4см, баруун ба төвийн нутгийн хойд хэсгээр 10-15см, бусад нутгаар 4-9 см хүрдэг. Цас их орсон жил цасны дундаж зузаан уулархаг нутгаар 24-30см, бусад нутгаар 18-20 см-т хүрдэг бөгөөд 1987, 2001-2003, 2005, 2007, 2010 оны I сард уулархаг нутгаар 40-45см, хунгарласан газраа 60-80 см хүрч мал өвөлжилтийн байдал онцгой хүндэрч байв.

Монгол орны 2017 оны II-IV сарын цаг агаарын урьдчилсан төлөв

Хоёрдугаар сард. Уур амьсгалын дунджаар агаарын температурын сарын дундаж нь Увс, Завханы хойд болон зүүн, Хөвсгөлийн баруун, Баянхонгорын хойд, Сэлэнгийн зүүн хэсгээр 21-28 градус, Ховд, Говь-Алтай, Баянхонгорын өмнөд хэсэг, Өвөрхангай, Дундговь, Өмнөговь, Дорноговийн ихэнх нутгаар 6-14 градус, бусад нутгаар 15-20 градус хүйтэн байдаг( 1 дүгээр зураг)

Энэ сард агаарын дундаж температур Төв аймгийн зүүн хойд, Хэнтийн хойд хэсэг, Сэлэнгэ, Дорнодын ихэнх нутгаар уур амьсгалын дунджаас 0.5-1.5 градусаар хүйтэн, Баян-Өлгий, Ховдын хойд, Увс, Завханы баруун өмнөд, Говь-Алтай, Баянхонгор, Дорноговийн өмнөд хэсэг, Өмнөговийн ихэнх нутгаар уур амьсгалын дунджаас 0.5-1.0 градусаар дулаан, бусад нутгаар дунджийн орчим байх төлөвтэй(2 дугаар зураг).

Уур амьсгалын дунджаар Ховдын өмнөд, Увсын хойд, Хөвсгөлийн баруун, Булганы зүүн, Баянхонгорын зүүн хойд, Архангайн өмнөд хэсэг, Завхан, Өвөрхангай, Төв, Сэлэнгэ, Хэнтий, Дорнод, Сүхбаатарын ихэнх нутгаар 1.5-3.5 мм, бусад нутгаар 1.5 мм хүртэл цас ордог(3 дугаар зураг).

Энэ сард Баян-Өлгий, Ховдын хойд, Хөвсгөл, Дорнодын зүүн өмнөд, Булган, Өмнөговийн баруун хэсэг, Увс, Завхан, Говь-Алтай, Баянхонгор, Архангайн ихэнх нутгаар уур амьсгалын дунджаас ахиу, Дундговийн зүүн, Дорноговийн зарим нутгаар уур амьсгалын дунджаас бага, бусад нутгаар уг дунджийн орчим хур тунадас орох төлөвтэй( 4 дүгээр зураг).

Гуравдугаар сард. Уур амьсгалын дунджаар агаарын температурын сарын дундаж нь Увс, Завханы хойд болон зүүн, Хөвсгөлийн баруун, Баянхонгорын хойд хэсгээр 11-17 градус, Ховд, Говь-Алтай, Баянхонгор, Өвөрхангай, Дундговийн өмнөд хэсэг, Өмнөговь, Дорноговийн ихэнх нутгаар 4 градус хүйтнээс 2 градус дулаан, бусад нутгаар 5-10 градус хүйтэн байдаг( 5 дугаар зураг)

Энэ сард агаарын дундаж температур Сэлэнгэ, Сүхбаатарын зүүн, Төв аймгийн зүүн хойд, Хэнтийн хойд хэсэг, Дорнодын ихэнх нутгаар уур амьсгалын дунджаас 0.5-1.0 градусаар хүйтэн, Баян-Өлгий, Ховд, Увс, Завхан, Говь-Алтай, Баянхонгор, Өмнөговийн ихэнх нутаг, Өвөрхангай, Дундговь, Дорноговийн өмнөд хэсгээр уур амьсгалын дунджаас 0.5-1.5 градусаар дулаан, бусад нутгаар дунджийн орчим байх төлөвтэй( 6 дугаар зураг).

Уур амьсгалын дунджаар Увсын зүүн, Архангайн өмнөд, Булган, Хэнтийн зүүн хойд, Сүхбаатар, Дорнодын зүүн өмнөд, Өмнөговийн баруун хойд хэсгээр 5-7мм, Баян-Өлгийн хойд, Ховд, Хөвсгөлийн зүүн, Увсын өмнөд, Завханы баруун өмнөд, Говь-Алтайн баруун, Өмнөговь, Сэлэнгэ, Дорнод, Сүхбаатарын зүүн хойд, Дундговь, Дорноговийн ихэнх нутгаар 0.4-2.5 мм, бусад нутгаар 2.5-5 мм хүртэл хур тунадас ордог( 7 дугаар зураг).

Энэ сард Баян-Өлгий, Увс, Хөвсгөл, Булган, Сэлэнгэ, Төв, Хэнтийн ихэнх нутаг, Ховд, Завхан, Өвөрхангай, Дундговь, Дорнодын хойд, Архангайн зүүн хэсгээр уур амьсгалын дунджаас ахиу, Говь-Алтайн зүүн, Өмнөговийн баруун хэсэг, Баянхонгорын ихэнх нутгаар уур амьсгалын дунджаас бага, бусад нутгаар уг дунджийн орчим хур тунадас орох төлөвтэй( 8 дугаар зураг).

Дөрөвдүгээр сард. Уур амьсгалын дунджаар агаарын температурын сарын дундаж нь Баян-Өлгийн өмнөд, Увсын хойд, Завханы хойд болон зүүн, Хөвсгөл, Архангай, Говь-Алтайн баруун, Баянхонгорын баруун хойд хэсгээр 3 градус хүйтнээс 1,5 градус дулаан, Говь-Алтайн зүүн өмнөд, Баянхонгор, Дорноговийн өмнөд, Өмнөговийн ихэнх нутгаар 7-11 градус дулаан, бусад нутгаар 2-6 градус дулаан байдаг( 9 дүгээр зураг)

Энэ сард агаарын дундаж температур Сэлэнгэ, Төв, Дорноговийн зүүн хэсэг, Хэнтий, Сүхбаатар, Дорнодын ихэнх нутгаар уур амьсгалын дунджийн орчим, бусад нутгаар уг дунджаас 0.5-1.5 градусаар дулаан байх төлөвтэй( 10 дугаар зураг).

Уур амьсгалын дунджаар Увсын зүүн, Архангайн өмнөд, Булган, Хэнтийн зүүн хойд, Дорнодын зүүн өмнөд хэсгээр 10-14мм, Баян-Өлгийн хойд, Увсын баруун, Завхан, Сүхбаатарын баруун өмнөд, Ховд, Өвөрхангай, Сэлэнгийн зүүн, Төв аймгийн зүүн өмнөд, Хэнтийн өмнөд хэсэг, Говь-Алтай, Баянхонгор, Өмнөговь, Дундговь, Дорноговь, Говь-Сүмбэрийн ихэнх нутгаар 1-5 мм, бусад нутгаар 6-9 мм хүртэл хур тунадас ордог( 11 дүгээр зураг).

Энэ сард Баян-Өлгий, Сүхбаатарын өмнөд, Ховдын хойд, Завханы баруун өмнөд, Говь-Алтайн баруун, Дорноговийн хойд, Өмнөговийн зарим нутаг, Дундговь, Дорнодын ихэнх нутгаар уур амьсгалын дунджийн орчим, Ховд, Дорноговийн өмнөд, Говь-Алтайн баруун өмнөд, Өмнөговийн зүүн хэсгээр уур амьсгалын дунджаас бага, бусад нутгаар уг дунджаас ахиу хур тунадас орох төлөвтэй( 12 дугаар зураг).

2016-12-28

 

Улаанбаатар - 2017/01/19

14 цаг

-22 -7
O
CF
Smoke
2 м/с

ӨНӨӨДӨР - 2017/01/19

-20 -4
O
CF
Partly cloudy

6 м/с

Шинэ мэдээ

Санал асуулга

Та цаг агаарын өдөр тутмын мэдээллээ ямар эх сурвалжаас авдаг вэ?

google play app store